ఎనర్జిటిక్‌ స్టార్‌ రామ్‌, టాలెంటెడ్‌ డైరెక్టర్‌ సంతోష్‌ శ్రీన్‌వాస్‌ కాంబినేషన్‌లో రూపొందుతున్న యాక్ష‌న్ ఎంట‌ర్ టైన‌ర్ హైప‌ర్ (ప్రతి ఇంట్లో ఒకడుంటాడు). ఈ చిత్రాన్ని 14 రీల్స్‌ ఎంటర్‌టైన్‌మెంట్ బ్యాన‌ర్ పై రామ్‌ ఆచంట, గోపీచంద్‌ ఆచంట, అనీల్‌ సుంకర సంయుక్తంగా నిర్మిస్తున్నారు.ఈ చిత్రంలో రామ్ స‌ర‌స‌న రాశి ఖ‌న్నా న‌టించింది. జిబ్రాన్ మ్యూజిక్ అందించిన హైప‌ర్ ఆడియో రిలీజ్ & థియేట్రిక‌ల్ రిలీజ్ కార్య‌క్ర‌మం హైద‌రాబాద్ జె.ఆర్.సి క‌న్వెష‌న్ సెంట‌ర్ లో ఘ‌నంగా జ‌రిగింది. ఈ కార్య‌క్ర‌మానికి హాజ‌రైన‌ సుకుమార్, హ‌రీష్ శంక‌ర్, నాని హైప‌ర్ థియేట్రిక‌ల్ ట్రైల‌ర్ ను రిలీజ్ చేసారు. ఈ వేడుక‌లో హైప‌ర్ సాంగ్స్ ను ప్ర‌ద‌ర్శించారు.

ఈ సందర్భంగా నిర్మాత స్రవంతి రవికిషోర్‌ మాట్లాడుతూ...రామ్‌ బాగా యాక్టివ్‌ పర్సన్‌. చాలా కష్టపడతాడు. ఈ సినిమా పెద్ద హిట్‌ కావాలని కోరుకుంటూ యూనిట్‌కు ఆల్‌ ది బెస్ట్‌ అన్నారు.

సుకుమార్‌ మాట్లాడుతూ... ట్రైలర్‌ సూపర్బ్‌, అదిరిపోయింది. కొన్నిసార్లు ట్రైలర్‌ చూస్తేనే సినిమాపై పాజిటివ్‌ వైబ్స్‌ వస్తుంది. అలా ఈ ట్రైలర్‌ ఉంది. ముగ్గురు నిర్మాతలు చాలా కూల్‌గా ఉంటారు. ముగ్గురులో గోపీగారు ప్రొడ్యూసర్‌లా ఆలోచిస్తే,రామ్‌గారు మంచి కథకుడులా ఆలోచిస్తారు, అనీల్‌గారు మంచి దర్శకుడిలా ఆలోచిస్తారు. రామ్‌తో జగడం సినిమా చేశాను. తను చాలా హైపర్‌. జగడం నుండి హైపర్‌ వరకు రామ్‌లో ఏ చేంజ్‌ లేదు. ఈ సినిమాతో తప్పకుండా రామ్‌ హిట్‌ కొడతాడు. అలాగే సంతోష్‌శ్రీనివాస్‌కు ఈ సినిమా చాలా పెద్ద హిట్‌ అవుతుంది అన్నారు.

హరీష్‌ శంకర్‌ మాట్లాడుతూ...రామ్‌ కెరీర్‌లోనే ఈ ట్రైలర్‌ చాలా బిగ్గెస్ట్‌ హిట్‌ అవుతుంది. రామ్‌, అనీల్‌, గోపీగారితో మంచి రిలేషన్‌ ఉంది. అందరూ డబ్బులు సంపాదించాలనే కోరికతో ఇండస్ట్రీకి వస్తారు కానీ వీళ్లు ముగ్గురూ డబ్బు సంపాదించి సినిమా పై ప్యాషన్‌తో ఈ ఇండస్ట్రీలోకి వచ్చారు. 14రీల్స్‌ బ్యానర్‌లో హైపర్‌ బిగ్గెస్ట్‌ హిట్‌ కావాలి. ఈ బ్యానర్‌లో దూకుడు సినిమా వచ్చి ఐదేళ్లు అవుతుంది. అలాంటి హిట్‌ ఈ సినిమాతో నిర్మాతలు అందుకోవాలి. కందిరీగ వాసు ఎనర్జీ, స్పీడ్‌ అంటే ఇష్టం. హైపర్‌ కథ వినగానే నాకు నచ్చింది. సినిమా డెఫనెట్‌గా వాసు కెరీర్‌లో బిగ్గెస్ట్‌ హిట్‌ అవుతుంది. ఈ సినిమాతో వాసు కమ్‌ బ్యాక్‌ అవుతాడు అన్నారు.

హీరో నాని మాట్లాడుతూ...థియేట్రికల్‌ ట్రైలర్‌ చాలా బావుంది. 14 రీల్స్‌ బ్యానర్‌లో నేను కృష్ణగాడి వీర ప్రేమగాథ సినిమా చేశాను. ఈ సినిమా సమయంలో వారితో మంచి అనుబంధం ఏర్పడింది. వారెప్పుడూ నా క్షేమం కోరుకునే వ్యక్తులు. కృష్ణగాడి వీరప్రేమగాథ కంటే హైపర్‌ పెద్ద హిట్‌ కావాలని కోరుకుంటున్నాను. రామ్‌కు సరిపోయే టైటిల్‌గా హైపర్‌ అని పెట్టారు. వాసుతో ఎప్పటి నుండో పరిచయం ఉంది. సినిమా ఎంత ఎంటర్‌టైనింగ్‌గా ఉండబోతుందో నాకు తెలుసు. జిబ్రాన్‌గారు సంగీతం అంటే చాలా ఇష్టం. ఈ సినిమాలో బేబిడాల్‌ సాంగ్‌ నాకు బాగా నచ్చింది. అన్నీ పాటలు బావున్నాయి. సినిమా పెద్ద సక్సెస్‌ కావాలని కోరుకుంటూ యూనిట్‌కు అభినందనలు అన్నారు.

జిబ్రాన్‌ మాట్లాడుతూ...ఈ ఆల్బమ్‌ నాకెంతో స్పెషల్‌. దర్శక నిర్మాతలు ఎంతగానో సపోర్ట్‌ చేశారు. పాటలకు చాలా మంచి రెస్పాన్స్‌ వచ్చింది. సపోర్ట్‌ చేసిన అందరికీ థాంక్స్ అన్నారు.

దర్శకుడు సంతోష్‌ శ్రీనివాస్‌ మాట్లాడుతూ...14 రీల్స్‌ అంటే ఇష్టమే కాదు.. గౌరవం కూడా..! రామ్‌తో ఎలాంటి కథతో సినిమా చేయాలో చర్చించి నిర్ణయం తీసుకోవడానికి మాకు మూడు నెలలు పట్టింది. కమర్షియల్‌ సినిమాల స్టయిల్‌లో కాకుండా ఏదో చెప్పాలి, దాంట్లో ఓ నిజాయితీ ఉండాలని రాసుకున్న కథే హైపర్‌. ప్రతి ఒకరికి వారి తండ్రే హీరో. ఈ సినిమాలో హీరోకు కూడా తండ్రే హీరో. తండ్రిని గెలిపించే కథే హైపర్‌. కథ రాసుకోగానే రామ్‌కు పర్‌ఫెక్ట్‌గా సరిపోయే కథ అని ఆయనకు చెప్పడం,ఆయనకు నచ్చడంతో అసలు యుద్ధం అక్కడ నుండే ప్రారంభమైంది. సినిమా చాలా బాగా వచ్చింది. సినిమా సక్సెస్‌ తర్వాత నేను సినిమా గురించి మాట్లాడతాను. గౌతంరాజు, సమీర్‌రెడ్డి, అబ్బూరి రవి, జిబ్రాన్‌ సహా అందరూ ఎంతగానో సపోర్ట్‌ చేశారు. సత్యరాజ్‌గారు, మురళీశర్మ, రావు రమేష్‌ సహా అందరూ సపోర్ట్‌ చేశారు. నా కెరీర్‌లో, నేను చేసిన మూడు సినిమాల్లో ఇదే బెస్ట్‌ మూవీ అవుతుంది అన్నారు.

రామ్‌ మాట్లాడుతూ...దర్శకుడు సంతోష్ శ్రీనివాస్ నాకెంటే హైపర్‌. సినిమా స్టార్ట్‌ చేసిన మూడు నెలలకే పూర్తి చేసేశాడు. కందిరీగ కథ నాకు చెప్పినప్పుడు తను పెద్ద డైరెక్టర్‌ అవుతాడనిపించింది. ఈ కథ చెప్పేటప్పుడు కూడా నాకు అలాగే అనిపించింది. మా కాంబినేషన్‌లో సూపర్‌హిట్‌ అవుతుంది. నిర్మాతలు చాలా ప్యాషనేట్‌. వారి ప్యాషన్‌ ప్రతి సినిమాకు పెరుగుతుంది. నాకొక మరో హోం బ్యానర్‌లా అనిపిస్తుంది. సమీర్‌రెడ్డి ప్రతి సీన్‌ను ఎంతో అద్భుతంగా చూపించారు. చాలా కమిట్‌మెంట్‌ ఉన్న వ్యక్తి. జిబ్రాన్‌ చాలా మంచి ఆల్బమ్‌ ఇచ్చాడు. అలాగే అబ్బూరి రవిగారు ఎంతో సహకారం అందించారు. ఈనెల‌ 30న హైపర్‌ విడుదలవుతుంది అన్నారు.

ఈ కార్యక్రమంలో రాశిఖన్నా, శ్రీమణి, రామజోగయ్యశాస్త్రి, మురళీశర్మ, కె.ఎల్‌.దామోదర్‌ ప్రసాద్‌, కిషోర్‌ తిరుమల, హను రాఘవపూడి, అబ్బూరి రవి తదితరులు పాల్గొన్నారు.