హైపర్ టీజర్ రిలీజ్..!
- IndiaGlitz, [Sunday,September 04 2016]
ఎనర్జిటిక్ హీరో రామ్ హీరోగా కందిరీగ ఫేమ్ సంతోష్ శ్రీనివాస్ ద‌ర్శ‌క‌త్వంలో రూపొందుతున్న చిత్రం హైపర్.ఈ చిత్రంలో రామ్ స‌ర‌స‌న రాశీ ఖ‌న్నా న‌టిస్తుంది. ఈ చిత్రాన్ని 14 రీల్స్ ఎంట‌ర్ టైన్మెంట్ సంస్థ నిర్మిస్తుంది. దాదాపు షూటింగ్ పూర్తి చేసుకున్న హైపర్ ఈనెల 30న ప్రేక్ష‌కుల ముందుకు వ‌చ్చేందుకు రెడీ అవుతుంది. ఈ సంద‌ర్భంగా హైపర్ టీజర్ రిలీజ్ చేసారు. ఇందులో తండ్రిని ప్రేమించే కొడుకు దొర‌క‌డం అదృష్ట‌మే కానీ...అంటూ స‌త్య‌రాజ్ అన‌డంతో టీజర్ స్టార్ట్ అవుతుంది.
చిన్న‌ప్పుడు రామ్...అంద‌రూ కింద ప‌డిపోతే అమ్మా అంటారు కానీ...నాన్న అని ఎందుకు అన‌రు..? అని తండ్రిని ప్ర‌శ్నిస్తాడు. దీనిని బ‌ట్టి అర్ధం అవుతుంది ఈ చిత్రంలో హీరో రామ్ తండ్రిని ఎంత‌గా ప్రేమిస్తున్నాడు. తండ్రిని విప‌రీతంగా ప్రేమించే కొడుకు...కొడుకు చూపించే విప‌రీత‌మైన ప్రేమ‌ను త‌ట్టుకోలేని తండ్రి...కాన్సెప్ట్ చాలా డిఫ‌రెంట్ గా ఉంటూ ఆడియోన్స్ లో ఇంట్ర‌స్ట్ క్రియేట్ చేస్తుంది. మ‌రి...ఈ నెల 30న ప్రేక్ష‌కుల ముందుకు వ‌చ్చే హైపర్ ఏరేంజ్ స‌క్సెస్ సాధిస్తుందో చూడాలి..!