பாட்டு பாடியே மனைவியின் கோபத்தை போக்கிய கணவன்: சினிமாவை மிஞ்சும் நிஜ சம்பவம்
- IndiaGlitz, [Tuesday,November 14 2017]
கணவன் மீது மனைவிக்கு கோபம் ஏற்பட்டால் கணவர் பாட்டு பாடி மனைவியை சமாதானப்படுத்தும் காட்சி பல திரைப்படங்களில் நாம் பார்த்திருக்கின்றோம். ஆனால் இந்த காட்சி டெல்லியில் நிஜமாகவே நடந்துள்ளது.
சமீபத்தில் டெல்லியில் உள்ள தம்பதிகளுக்கு இடையே கடும்சண்டை ஏற்பட்டது. இதனையடுத்து கணவரின் மீது மனைவி டெல்லி அருகே உள்ள ஜான்சி காவல்நிலையத்தில் புகார் அளித்தார். இதுகுறித்து விசாரணை செய்ய காவல்நிலையத்திற்கு வருமாறு கணவருக்கு தகவல் அனுப்பப்பட்டது.
இந்த நிலையில் காவல்நிலையத்திற்கு வந்த கணவர், காவல்துறை அதிகாரிகளிடம் செல்லாமல் நேராக மனைவி இருக்கும் இடம் சென்று ஒரு ரொமான்ஸ் பாடலை காதல் ரசம் சொட்ட சொட்ட பாடினார். இந்த பாட்டில் மயங்கி சமாதானம் அடைந்த மனைவி, கணவரின் தோளில் சாய்ந்து கொண்டு ஆனந்தக்கண்ணீர் வடித்தார். பின்னர் இருவரும் சமாதானம் அடைந்து ஒற்றுமையுடன் வீடு திரும்பினர். இந்த நெகிழ்ச்சியான சம்பவம் அந்த பகுதியில் பெரும் பரபரப்பை ஏற்படுத்தியுள்ளது.
இதுகுறித்த வீடியோ ஒன்றை டெல்லியை சேர்ந்த காவல்துறை அதிகாரி ஒருவர் தனது சமூக வலைத்தளத்தில் பதிவு செய்துள்ளார். இந்த வீடியோ தற்போது இணையதளங்களில் வைரலாகி வருகிறது
A couple had a fight.
— Madhur Verma (@IPSMadhurVerma) November 14, 2017
Few months back, wife filed a case against her husband in Jhansi.
But husband sang a song for her in the police station and convinced her. Love triumphs pic.twitter.com/2frzPOKpGn