மனைவியை பணயம் வைத்து சூதாட்டத்தில் தோல்வி.. நண்பருக்கு விருந்தாக்க முயற்சித்த கணவன்..!
- IndiaGlitz, [Tuesday,May 23 2023]
மனைவியை பணயம் வைத்து சூதாட்டத்தில் தோல்வி அடைந்த கணவர் தனது நண்பருக்கு மனைவியை விருந்தாக்க முயற்சித்த சம்பவம் உத்தரப்பிரதேசம் மாநிலத்தில் பெரும் பரபரப்பை ஏற்படுத்தி உள்ளது.
உத்தரபிரதேசம் மாநிலத்தில் 12 ஆண்டுகளுக்கு முன் திருமணம் ஆன ஒருவர் மது போதைக்கு அடிமையானதாகவும் தினமும் குடித்துவிட்டு சூதாடுவதை வழக்கமாக கொண்டுள்ளதாகவும் கூறப்படுகிறது. இந்த நிலையில் சமீபத்தில் அவர் குடித்துவிட்டு சூதாட்டம் ஆடிய போது தனது மனைவியை பணயம் வைத்து விளையாடி நண்பரிடம் தோல்வி அடைந்தார்.
இதையடுத்து அந்த நபர் தனது நண்பரை வீட்டுக்கு அழைத்து வந்து ’சூதாட்டத்தில் உன்னை பணயம் உன்னை வைத்து விளையாடி தோற்றதால் தனது நண்பருடன் நீ செல்ல வேண்டும் என்று மனைவிக்கு அழுத்தம் கொடுத்து உள்ளார். ஆனால் மனைவி முடியாது என்று கூற உடனே மனைவியை அடித்து உதைத்த கணவன் நண்பருடன் கட்டாயமாக அனுப்பி வைக்க முயற்சித்ததாக கூறப்படுகிறது.
இதனையடுத்து அங்கிருந்து தப்பித்து சென்ற அந்த பெண் காவல் நிலையத்தில் சென்று புகார் அளித்தார். அந்த பெண்ணின் புகாரை கேட்டு அதிர்ச்சி அடைந்த போலீசார் கணவர் மீது வழக்கு பதிவு செய்த நிலையில் அந்த பெண்ணின் கணவரும் அவரது நண்பரும் தலைமறைவானதாக கூறப்படுகிறது. இந்த சம்பவம் அந்த பகுதியில் பெரும் அதிர்ச்சியை ஏற்படுத்தி உள்ளது.