நானும் இதை சந்தித்துள்ளேன்: படுக்கை அழைப்பு குறித்து காலா நாயகி
- IndiaGlitz, [Friday,May 11 2018]
கடந்த சில மாதங்களாக படுக்கைக்கு அழைக்கும் விவகாரம் குறித்து கோலிவுட் முதல் ஹாலிவுட் வரையில் உள்ள நடிகைகள் தங்கள் கருத்துக்களை கூறி வருகின்றனர். குறிப்பாக சமீபத்தில் ஸ்ரீரெட்டி கிளப்பிய புயல் இன்னும் ஓயாமல் உள்ளது.
இந்த நிலையில் சூப்பர் ஸ்டார் ரஜினிகாந்த் நடித்த 'காலா' படத்தின் நாயகிகளில் ஒருவராகிய ஹூமா குரேஷி கேன்ஸ் திரைப்பட விழாவில் கலந்து கொண்டிருந்த நிலையில் படுக்கைக்கு நடிகைகள் அழைப்பது குறித்து கருத்து கூறியதோடு, இந்த நிலையை தானும் சந்தித்துள்ளதாக தெரிவித்துள்ளார்.
பெண்கள் அட்ஜெஸ்ட் செய்து கொள்ள வேண்டும் என்பது திரைத்துறையில் மட்டுமின்றி அனைத்து துறைகளிலும் இருப்பதாக கூறிய ஹூமா, இதுகுறித்து தைரியமாக வெளியே பேசும் பெண்களின் பெயரை இந்தியாவில் டேமேஜ் செய்துவிடுவார்கள் என்றும் தெரிவித்தார்.
இதனை தானும் சந்தித்துள்ளதாக தெரிவித்த ஹூமா குரேஷ், ஒரு பெண் இதுகுறித்து தைரியமாக பேசினால் அவருக்கு பாதுகாப்பு கொடுக்க வேண்டுமே தவிர அவரை இகழ்வாக கருதக்கூடாது என்று கூறினார்.