ரஜினி-ரஞ்சித் படத்தில் அக்சயகுமார் நாயகி?
- IndiaGlitz, [Tuesday,May 16 2017]
சூப்பர் ஸ்டார் ரஜினிகாந்த் நடிப்பில் ரஞ்சித் இயக்கவுள்ள படம் குறித்த கதை குறித்து இந்த படத்தின் தயாரிப்பாளர் தனுஷ் விளக்கம் அளித்து, பிரச்சனைக்கு முடிவுகட்டிவிட்டதை நேற்று பார்த்தோம். இந்த நிலையில் தற்போது இந்த படத்தின் படப்பிடிப்புக்கான ஆயத்தப்பணிகள் விறுவிறுப்பாக நடைபெற்று வருகிறது. மேலும் இந்த படத்தில் ரஜினிக்கு ஜோடியாக நடிக்க போகும் நாயகி குறித்தும் கடந்த சில நாட்களாக தகவல்கள் வெளிவந்துகொண்டிருக்கின்றது.
வித்யாபாலன், நயன்தாரா உள்பட பல நடிகைகளின் பெயர் இந்த படத்தின் நாயகி கேரக்டருக்கு பரிசீலனை நடந்து வருவதாக கூறப்படும் நிலையில் தற்போது புதியதாக பிரபல பாலிவுட் நடிகை ஹூமாகுரேஷி என்பவரும் இந்த பட்டியலில் லேட்டஸ்டாக இணைந்துள்ளார். இவர் பாலிவுட்டில் சூப்பர் ஹிட்டான அக்சயகுமாரின் 'ஜாலி எல்.எல்.பி' உள்பட பல திரைப்படங்களில் நடித்தவர். இந்த செய்தி உறுதி செய்யப்பட்டால் தமிழில் இவர் நடிக்கும் முதல் படமான இந்த படமாகத்தான் இருக்கும்.
சந்தோஷ் நாராயணன் இசையில் உருவாகவிருக்கும் இந்த படத்தின் படப்பிடிப்பு வரும் 28ஆம் தேதி முதல் தொடங்கவுள்ளது.