యంగ్ రెబల్ స్టార్ ప్రభాస్, శ్రద్దా కపూర్ నటీనటులుగా సుజిత్ తెరకెక్కించిన చిత్రం ‘సాహో’. ఆగస్టు-30న విడుదలైన ఈ చిత్రంపై మిక్స్‌డ్ టాక్ వినిపిస్తోంది. భారీ బడ్జెట్‌తో నిర్మితమైన ఈ చిత్రంపై సినిమా షూటింగ్ మొదలుకుని రిలీజ్ వరకూ ఎంతో ఆసక్తి నెలకొంది. అయితే సినిమా రిలీజ్ అయిన కొన్ని గంటలకే దర్శక నిర్మాతలకు కోలుకోలేని షాక్ తగిలింది. సినిమా థియేటర్లలో వచ్చిన గంటల గ్యాప్‌లోనే పైరసీ రావడం గమనార్హం.

ఒకటి కాదు రెండు సైట్లలో.. చాలా సినిమాలే!

థియేటర్లలో ప్రీమియర్‌ షో ముగిసిన తర్వాత పైరసీ తమిళ్ రాకర్స్ అనే వెబ్‌సైట్లలో సినిమా ప్రత్యక్షమైంది. ఆ వెబ్‌సైట్‌తో పాటు పైరేట్‌ బే వంటి పలు వెబ్‌సైట్లలో ఈ సినిమా పైరసీ వీడియో పెట్టినట్టు బాలీవుడ్ లైఫ్‌.కామ్ అనే జాతీయ మీడియాలో వార్తను ప్రచురించింది. కాగా.. భారీ తారాగణంతో తెరకెక్కిన ‘సాహో’ పైరసీ రావడంతో చిత్రబృందం తీవ్ర అసంతృప్తికి, ఆందోళనకు లోనవుతోంది. అంతేకాదు.. ఒక్క ‘సాహో’ విషయంలోనే కాదు ‘మిషన్‌ మంగళ్‌’, ‘బాట్లాహౌస్‌’, ‘సేక్రేడ్‌ గేమ్స్‌-2’ కూడా ఆన్‌లైన్‌లోకి దర్శనమివ్వడం గమనార్హం. మరి ఇలాంటి పైరసీ భూతానికి ఫుల్ స్టాప్ ఎప్పుడు పడుతుందో..? అప్పుడే ఎంత పెద్ద సినిమా అయినప్పటికీ సేఫ్‌ జోన్‌లో ఉంటుందని విశ్లేషకులు చెబుతున్నారు. మరి ఇలాంటి పైరసీ వ్యవహారాలకు ఎప్పుడు దర్శక నిర్మాతలు ఆలోచించి ఎలాంటి నిర్ణయం తీసుకుంటారో వేచి చూడాల్సిందే మరి.