'నేల టిక్కెట్టు' కోసం భారీ సెట్‌
- IndiaGlitz, [Sunday,March 18 2018]
సోలో హీరోగా కెరీర్‌ను మొద‌లుపెట్టిన‌ప్ప‌టి (1999) నుంచి 2015 వ‌ర‌కు ప్రతీ ఏడాది కనీసం ఒక సినిమా ఉండేట్టు ప్లాన్ చేసుకున్నారు మాస్ మహారాజా రవితేజ. అయితే.. 2016లో ఒక్క సినిమా కూడా రవితేజ నుంచి రాలేదు. దాదాపు రెండు సంవత్సరాల గ్యాప్ తర్వాత గత ఏడాది అక్టోబరులో ‘రాజా ది గ్రేట్’తో ప్రేక్షకుల ముందుకు వచ్చిన రవితేజ.. ఆ చిత్రంతో విజయాన్ని అందుకున్నారు. ఇక ఈ ఏడాది ఆరంభంలో ‘టచ్ చేసి చూడు’తో సందడి చేశారు.
రెండు సంవత్సరాల గ్యాప్‌ను అభిమానులు మరచిపోయే విధంగా.. వరుస సినిమాల(కళ్యాణ్ కృష్ణ, శ్రీనువైట్ల, వి.ఐ.ఆనంద్, సంతోష్ శ్రీనివాస్ చిత్రాలు)తో కెరీర్‌ను పరుగులు పెట్టిస్తున్నారు ఈ మాస్ హీరో. ఇదిలా ఉంటే.. రవితేజలో ఎనర్జీని దృష్టిలో పెట్టుకుని మాస్ ప్రేక్షకులతో పాటు.. ఫ్యామిలీ ఆడియన్స్‌కు కూడా కనెక్ట్ అయ్యే విధంగా దర్శకుడు కళ్యాణ్ కృష్ణ ‘నేల టిక్కెట్టు’ సినిమాను రూపొందిస్తున్నారు. ప్రస్తుతం ఈ చిత్రం రామోజీ ఫిల్మ్ సిటీలో చిత్రీకరణ జరుపుకుంటోంది. ఫిలిం సిటీలో వేసిన భారీ సెట్‌లో ప్రధాన పాత్రల మధ్య సాగే కొన్ని కీలక సన్నివేశాలను తెరకెక్కించనున్నారు. ఏప్రిల్ చివరినాటికి షూటింగ్ పూర్తి చేసి.. మే 24కి చిత్రాన్ని విడుదల చేయ‌డానికి స‌న్నాహాలు జ‌రుగుతున్నాయి.