'మ‌హ‌ర్షి' కోసం భారీ సెట్‌...
- IndiaGlitz, [Thursday,October 04 2018]
సూప‌ర్‌స్టార్ మ‌హేశ్ 25వ చిత్రం 'మ‌హ‌ర్షి'. వంశీ పైడిప‌ల్లి ద‌ర్శ‌క‌త్వంలో అశ్వినీద‌త్‌, దిల్‌రాజు, పివిపి ఈ సినిమాను నిర్మిస్తున్నారు.
ఈ నెల 15 నుండి అమెరికాలో ఈ సినిమా షెడ్యూల్ చిత్రీక‌ర‌ణ జ‌ర‌గ‌నుంది. ప‌దిహేను రోజుల పాటు అమెరికాలో షూటింగ్ జ‌రుపుకుని మ‌ళ్లీ యూనిట్ హైద‌రాబాద్ చేరుకుంటుంది. త‌ర్వాత హైద‌రాబాద్ షెడ్యూల్ న‌వంబ‌ర్ 10 వ‌ర‌కు జ‌రుగుతుంది.
ఈ హైద‌రాబాద్ షెడ్యూల్ రామోజీ ఫిలింసిటీలో జ‌ర‌గ‌నుంది. అందుకోసం ఓ గ్రామం సెట్‌ను ఆర్ట్ డైరెక్టర్ సునీల్ బాబు ఆధ్వ‌ర్యంలో నిర్మిస్తున్నార‌ట. సినిమాను ఏప్రిల్ 5న విడుదల చేయ‌బోతున్నారు. పూజా హెగ్డే హీరోయిన్‌గా న‌టిస్తున్న ఈ చిత్రంలో అల్ల‌రి న‌రేశ్ కీల‌క పాత్ర‌లో న‌టించ‌బోతున్నారు.