సైరా’ కోసం నయన్ షాకింగ్ రెమ్యునరేషన్!
- IndiaGlitz, [Saturday,September 07 2019]
మెగాస్టార్ చిరంజీవి డ్రీం ప్రాజెక్ట్.. కెరియర్‌లోనే అత్యంత ప్రతిష్టాత్మక చిత్రం ‘సైరా నరసింహారెడ్డి’. తండ్రి కలను నెరవేర్చడంలో భాగంగా చిరు తనయుడు రామ్ చరణ్ ఈ బిగ్గెస్ట్ హిస్టారికల్ మూవీని నిర్మిస్తున్నారు. ఇప్పటికే సినిమా షూటింగ్ మొదలుకుని ప్రొడక్షన్ వర్క్స్ అయిపోవడమే కాకుండా సెన్సార్ సర్టిఫికేట్ వచ్చేసింది. ఇక థియేటర్లలోకి రావడమే ఆలస్యం. ఈ తరుణంలో సినిమా ప్రమోషన్స్‌ని పూర్తిస్థాయిలో చిత్రబృందం మొదలుపెట్టేసింది. అయితే సినిమాకు రిలీజ్‌కు టైమ్ దగ్గరపడుతుండటంతో ఆసక్తికర విషయాలు వెలుగుచూస్తున్నాయి.
ఇప్పటికే సైరా రన్ టైమ్, యుద్ధ సన్నివేశాలు, ప్రి రిలీజ్ ఈవెంట్‌, సైరా విడుదల వాయిదా అంటూ ఇలా పెద్ద ఎత్తున వార్తలు వచ్చిన సంగతి తెలిసిందే. అయితే తాజాగా.. మెగాస్టార్ సరసన నటించిన లేడీ సూపర్ స్టార్ నయనతార రెమ్యునరేషన్ ఇటు టాలీవుడ్.. అటు కోలీవుడ్‌లో హాట్ టాపిక్ అవుతోంది. వాస్తవానికి భారీ బడ్జెట్ సినిమాలైనా.. స్టార్ హీరోల సరసన నటించాలన్నా నయన్ గట్టిగానే పుచ్చుకుంటుంది ఇందులో ఎలాంటి సందేహాలు అక్కర్లేదు. అంతేకాదు.. దక్షిణాదిన భారీ పారితోషికం అందుకుంటున్న హీరోయిన్‌గానూ గుర్తింపు సంపాదించుకుందన్న విషయం విదితమే.
సైరా సినిమా రూ. 250 కోట్ల రూపాయల భారీ బడ్జెట్‌తో తెరకెక్కగా.. నయన్ మాత్రం భారీ పారితోషికమే అంటే ఒకట్రెండు కాదండోయ్ ఏకంగా 6.3 కోట్లు తీసుకుందట. అంటే కాస్త అటు ఇటు హీరోకు మించి నయన్ రెమ్యునరేషన్ తీసుకుందన్న మాట. అయితే ఇంత భారీగా ఈ భామ పుచ్చుకున్నప్పటికీ ఇప్పటి వరకూ సినిమా ప్రమోషన్‌లో పాల్గొనకపోవడం గమనార్హం. ఈమె పారితోషకం గురించి తెలుసుకున్న నటీనటులు నోరెళ్లబెడుతున్నారట