సినిమా క‌థ‌ను డెవ‌ల‌ప్ చేయ‌డానికి నిర్మాత డ‌బ్బులు ఖ‌ర్చు పెడుతుంటారు. స్టార్ హీరోల సినిమాల‌కైతే ఈ లెక్క పెద్ద‌దిగానే ఉంటుంది. అయితే డెవ‌ల‌ప్ అయిన ఓ క‌థ‌ను చెప్ప‌డానికి మాత్రం ఓ నిర్మాత‌కు రూ.50 వేలు ఖ‌ర్చు అయ్యింద‌ని స‌మాచారం. ఇంత‌కూ ఆ నిర్మాత ఎవ‌రో తెలుసా? దిల్‌రాజు. వివ‌రాల్లోకెళ్తే.. దిల్‌రాజు చైత‌న్య‌తో ఓ సినిమా చేయ‌డానిక సిద్ధ‌మ‌య్యార‌నే సంగ‌తి తెలిసిందే. రైట‌ర్ బీవీఎస్ ర‌వి చెప్పిన పాయింట్ న‌చ్చ‌డంతో దిల్‌రాజు సినిమా చేయ‌డానికి ఓకే చెప్పారు. డైరెక్ట‌ర్ విక్ర‌మ్ కుమార్ మెగాఫోన్ ప‌ట్ట‌డానికి రెడీ అయ్యారు. బీవీఎస్ ర‌వి చెప్పిన పాయింట్‌ను ఈ ద‌ర్శ‌కుడు త‌న‌దైన శైలిలో డెవ‌ల‌ప్ చేసుకున్నారు.

క‌రోనా వైర‌స్ కార‌ణంగా విక్ర‌మ్ కుమార్ చెన్నైలోనే ఉండిపోయారు. చైత‌న్య హైద‌రాబాద్‌లో ఉన్నారు. అంతా ఓకే అయిన క‌థ‌ను చైత‌న్య‌కు వినిపించ‌డానికి విక్ర‌మ్ కుమార్ త‌టప‌ట‌యిస్తుండ‌టంతో దిల్‌రాజు చొర‌వ తీసుకుని ఆయ‌నే ప్రైవేట్ ట్యాక్సీని మాట్లాడి విక్ర‌మ్‌ను హైద‌రాబాద్‌కు రప్పించార‌ట‌. విక్ర‌మ్ కుమార్ రానూ పోనూ చార్జీలు యాబై వేల రూపాయ‌లు అయ్యాయ‌నే వార్త‌లు ఇప్పుడు సోష‌ల్ మీడియాలో చ‌క్క‌ర్లుకొడుతున్నాయి.