పవన్ కెరీర్‌లోనే భారీ బడ్జెట్ సినిమా అదేనట...
- IndiaGlitz, [Thursday,January 28 2021]
ప్రస్తుతం పాన్ ఇండియా సినిమాలు, భారీ బడ్జెట్ సినిమాలకు ఉన్న క్రేజ్ అంతా ఇంతా కాదు. దీంతో స్టార్ హీరోలంతా భారీ బడ్జెట్ మూవీస్‌పైనే దృష్టి సారించారు. అయితే పవర్‌స్టార్ పవన్ కల్యాణ్ మాత్రం ఇప్పటివరకు భారీ బడ్జెట్ సినిమాలపై దృష్టి సారించలేదు. కానీ తాజాగా ఆయన కూడా భారీ బడ్జెట్ సినిమాలపై దృష్టి సారించినట్టు తెలుస్తోంది. అయితే అది ఇప్పటికే పట్టాలు కూడా ఎక్కేసింది. క్రిష్ దర్శకత్వంలో పవన్ నటిస్తున్న విషయం తెలిసిందే. ఈ సినిమా పవన్ కెరీర్‌లోనే భారీ బడ్జెట్ మూవీగా రూపొందనుండటం విశేషం.
పిరియాడిక్ డ్రామాగా ఈ సినిమా రూపొందనుంది. మొఘల్ కాలం నాటి ఫిక్షన్ కథతో తెరకెక్కుతున్న ఈ సినిమాలో పవన్ వజ్రాల దొంగగా కనిపించబోతున్నారు. ఈ సినిమా కోసం హైదరాబాద్ పరిసర ప్రాంతాల్లో భారీ సెట్స్ వేస్తున్నారు. అలాగే రాజస్థాన్, గుజరాత్ రాష్ట్రాల్లో కూడా షూటింగ్ జరుపబోతున్నారు. ఇక ఈ సినిమా కోసం భారీగా ఖర్చు చేసేందుకు మేకర్స్ సైతం సిద్ధమవుతున్నారు. ముఖ్యంగా గ్రాఫిక్స్ కోసం భారీగా ఖర్చు పెట్టబోతున్నారని తెలుస్తోంది. ఈ నేపథ్యంలో నిర్మాత ఏఎమ్ రత్నం ఈ సినిమా కోసం భారీ బడ్జెట్‌నే కేటాయించారట. ఏకంగా 170 కోట్ల రూపాయల బడ్జెట్‌తో ఈ సినిమాను రూపొందిస్తున్నారని తెలుస్తోంది.