మెగా ప‌వ‌ర్ స్టార్ రామ్ చ‌ర‌ణ్, ర‌కుల్ ప్రీత్ సింగ్ జంట‌గా న‌టిస్తున్న చిత్రం బ్రూస్ లీ. ఈ చిత్రానికి శ్రీను వైట్ల ద‌ర్శ‌క‌త్వం వ‌హించారు. డి.వి.వి. దాన‌య్య నిర్మించారు. అక్టోబ‌ర్ 2న అన‌గా రేపు బ్రూస్ లీ ఆడియో రిలీజ్ కార్య‌క్ర‌మం గ్రాండ్ గా హైటెక్స్ గ్రౌండ్స్ లో నిర్వ‌హించ‌డానికి ఏర్పాట్లు చేస్తున్నారు. చాలా రోజులు త‌ర్వాత చిరు న‌టించ‌డం..అదీ.. చ‌ర‌ణ్ తో క‌ల‌సి బ్రూస్ లీ లో న‌టించ‌డంతో సినిమాపై భారీ అంచ‌నాలు ఏర్పడ్డాయి.

మెగా హీరోలు, సినీ ప్ర‌ముఖుల స‌మ‌క్షంలో జ‌రిగే ఆడియో వేడుక‌లో చిరు 150వ సినిమా గురించి ఎనౌన్స్ చేసే అవ‌కాశం ఉంది. దీంతో బ్రూస్ లీ ఆడియో వేడుక ఎప్పుడెప్పుడు చూద్దామా అని ఫ్యాన్స్ ఎదురుచూస్తున్నారు. ఈ సినిమాకి త‌మ‌న్ సంగీతాన్ని అందించాడు. ఇటీవ‌ల రిలీజ్ చేసిన లే చ‌లో సాంగ్ బాగా ఆక‌ట్టుకుంటుంది. దీంతో బ్రూస్ లీ మిగిలిన సాంగ్స్ కూడా అంద‌రికీ న‌చ్చుతాయ‌నే న‌మ్మ‌కంతో ఉన్నారు. ద‌స‌రా కానుక‌గా బ్రూస్ లీ ఈ నెల 16న ప్రేక్ష‌కుల ముందుకు వ‌స్తుంది.