యంగ్ రెబ‌ల్‌స్టార్ ప్ర‌భాస్ ఇప్పుడు నేష‌న‌ల్ హీరో అయ్యాడు. `బాహుబ‌లి` సినిమా సాధించిన భారీ విజ‌యంతో ఇప్పుడు ఆయ‌నతో సినిమాలు చేయాల‌ని చాలా మంది ద‌ర్శ‌క నిర్మాత‌లు భావిస్తున్నారు. సాహో సినిమాను ప్యాన్ ఇండియా చిత్రంగా విడుద‌ల చేశారు. ఇప్పుడు ప్ర‌భాస్ హీరోగా చేస్తున్న జాన్ సినిమాను ప్యాన్ ఇండియా సినిమాగానే తెర‌కెక్కిస్తున్నారు. యూనివ‌ర్స‌ల్ కాన్సెప్ట్ సినిమాల‌తో సినిమాలు చేస్తున్న ప్ర‌భాస్ త‌దుపరి సినిమాపై ఎవ‌రికీ క్లారిటీ లేదు. అయితే తాజాగా సినీ వ‌ర్గాల్లో విన‌ప‌డుతున్న స‌మాచారం మేర‌కు ప్ర‌భాస్ మైత్రీ మూవీ మేక‌ర్స్‌లో సినిమా చేయ‌బోతున్నాడ‌ట‌.

ప్ర‌స్తుతం మైత్రీ మూవీస్ చేతిలో క‌న్న‌డ చిత్రం `కె.జి.య‌ఫ్‌` ద‌ర్శ‌కుడు ప్ర‌శాంత్ నీల్ ఉన్నాడు. ఆయ‌న కూడా క‌థ ప‌ట్టుకుని సినిమా చేయ‌డానికి రెక్క‌లు క‌ట్టుకుని తిరుగుతున్నాడు. ఇప్పుడు ప‌రిస్థితుల‌ను బ‌ట్టి చూస్తే.. ప్ర‌శాంత్ నీల్ ద‌ర్శ‌క‌త్వంలో ప్ర‌భాస్‌తో సినిమా చేసే అవ‌కాశాలు క‌న‌ప‌డుతున్నాయి.

కొన్ని రోజుల క్రితం ప్ర‌భాస్‌కు ఐదు కోట్ల రూపాయ‌ల చెక్ ఇచ్చిన మైత్రీ మూవీస్ సంస్థ తాజాగా మ‌రో రూ. 8 కోట్ల రూపాయ‌ల చెక్‌ను ఇచ్చింద‌ని స‌మాచారం. అంటే మొత్తంగా రూ. 13 కోట్లు అడ్వాన్స్ ఇచ్చారు.

జాన్ త‌ర్వాత ప్ర‌భాస్‌, ప్ర‌శాంత్‌నీల్‌, మైత్రీ మూవీస్ కాంబినేష‌న్‌లోనే సినిమా ఉండే అవ‌కాశాలున్నాయి. ప్ర‌స్తుతం మైత్రీమూవీస్ అల్లు అర్జున్‌, సుకుమార్ కాంబినేష‌న్‌లో ఓ సినిమాను తెర‌కెక్కిస్తున్న సంగ‌తి తెలిసిందే.