'விக்ரம் வேதா' இந்தி ரீமேக்கில் இந்த இருவர்தான்: உறுதி செய்யப்பட்ட தகவல்!
- IndiaGlitz, [Friday,March 26 2021]
மக்கள் செல்வன் விஜய் சேதுபதி மற்றும் மாதவன் நடிப்பில் புஷ்கர் காயத்ரி இயக்கத்தில் உருவான திரைப்படம் ’விக்ரம் வேதா’. கடந்த 2017ஆம் ஆண்டு வெளியான இந்த திரைப்படம் மிகப் பெரிய வெற்றி பெற்றதை அடுத்து இந்த திரைப்படம் ஹிந்தியில் ரீமேக் செய்யப்படுவதாக தகவல்கள் வெளிவந்துள்ளன.
இந்த படத்தின் ஹிந்தி ரீமேக்கில் நடிப்பது யார் என்பது குறித்த தகவல்கள் கடந்த சில வாரங்களாக வெளிவந்து கொண்டிருந்த நிலையில் தற்போது ஹிரித்திக் ரோஷன் மற்றும் சைப் அலிகான் ஆகிய இருவரும் தான் நடிக்க உள்ளனர் என்பது குறித்து உறுதி செய்யப்பட்ட தகவல்கள் வெளிவந்துள்ளன.
ஹிரித்திக் ரோஷனின் 25வது படமான இந்த படத்தில் அவர் விஜய் சேதுபதி நடித்த வேதா கேரக்டரில் நடிக்கிறார் என்பது குறிப்பிடத்தக்கது. அதேபோல் சயீப் அலிகான் மாதவன் நடித்த விக்ரம் வேடத்தில் நடிக்க உள்ளார். இந்த படத்தின் படப்பிடிப்பு வரும் கோடை விடுமுறையில் தொடங்க இருப்பதாகவும், இன்னும் டைட்டில் வைக்கப்படாத இந்த படத்தை புஷ்கர் காயத்ரி இயக்க உள்ளதாகவும் செய்திகள் வெளியாகியுள்ளன.