'సూప‌ర్ 30' రిలీజ్ డేట్ .. ఈద్ సంద‌ర్భంగా ట్రైల‌ర్‌
- IndiaGlitz, [Monday,June 03 2019]
బాలీవుడ్ స్టార్ హృతిక్ టైటిల్ పాత్ర‌లో న‌టిస్తోన్న బ‌యోపిక్ 'సూప‌ర్ 30'. గ‌ణిత మేధావి ఆనంద్‌కుమార్ జీవిత‌క‌థ‌ను ఆధారంగా చేసుకుని వికాస్ భ‌ల్ ఈ చిత్రాన్ని తెర‌కెక్కించాడు. మృణాల్ ఠాకూర్‌, నందిష్ సింగ్ త‌దిత‌రులు న‌టిస్తున్నారు. ఈ సినిమా విడుద‌ల గురించి ప‌లు వార్త‌లు విన‌ప‌డుతున్న నేప‌థ్యంలో చిత్ర యూనిట్ అధికారికంగా సినిమాను జూలై 12న విడుద‌ల చేయ‌బోతున్న‌ట్లు ప్ర‌క‌టించింది.
ఈద్ సంద‌ర్భంగ‌గా జూన్ 4న ట్రైల‌ర్‌ను కూడా విడుద‌ల చేస్తామ‌ని తెలిపారు. నిజానికి ఈ చిత్రం ఈ ఏడాది జ‌న‌వ‌రిలో విడుద‌ల కావాల్సింది కానీ కొన్ని కార‌ణాల‌తో విడుద‌ల వాయిదా ప‌డింది. చివ‌ర‌కు జూలై 26న విడుద‌ల చేద్దామ‌నుకున్నారు.. కంగ‌నా త‌న 'మెంట‌ల్ హై క్యా?' సినిమాను విడుద‌ల చేస్తాన‌ని ప్ర‌క‌టించింది. ఆ సంద‌ర్భంగా హృతిక్‌ను కంగనో సోద‌రి సోషల్ మీడియాలో దుమ్మెత్తి పోసింది. దాంతో ఎందుకొచ్చిన గొడ‌వ అనుకుని మంచి రిలీజ్ డేట్ చూసుకుని 'సూప‌ర్ 30'ని విడుద‌ల చేస్తామ‌ని హృతిక్ ప్ర‌క‌టించారు. ఎట్ట‌కేల‌కు జూలై 12న సినిమాను విడుద‌ల చేస్తున్న‌ట్లు ప్ర‌క‌టించారు.