விவாகரத்தான மனைவியுடன் தியேட்டருக்கு சினிமா பார்க்க சென்ற பிரபல நடிகர்!
- IndiaGlitz, [Friday,March 26 2021]
பிரபல நடிகர் ஒருவர் விவாகரத்தான முன்னாள் மனைவியுடன் தியேட்டருக்கு சென்று திரைப்படம் பார்க்கச் சென்ற புகைப்படம் தற்போது இணையதளங்களில் வைரலாகி வருகிறது.
பிரபல பாலிவுட் நடிகர் ஹிருத்திக் ரோஷன், சுசானா என்பவரை கடந்த 2000ம் ஆண்டு திருமணம் செய்து கொண்டார். இவர்களுக்கு 2 மகன்கள் உள்ளனர். இந்த நிலையில் கருத்து வேறுபாடு காரணமாக கடந்த 2014ஆம் ஆண்டு இருவரும் விவாகரத்து பெற்று பிரிந்துவிட்டனர்.
இந்த நிலையில் கொரோனா வைரஸ் ஊரடங்கு நேரத்தில் இரண்டு குழந்தைகளுடன் சுசானா தனியாக கஷ்டப்படுவதை அறிந்த ஹிருத்திக் ரோஷன் தனது வீட்டிற்கு அழைத்து வந்தார் என்பதும் தெரிந்ததே. அதேபோல் சுசானா தனது 42வது பிறந்தநாளை கொண்டாடிய போது ஹிருத்திக் ரோஷனுக்கு அழைப்பு விடுத்திருந்தார் என்பதும் முன்னாள் மனைவியின் அழைப்பை ஏற்று அந்த பிறந்தநாள் விழாவில் ஹிருத்திக் ரோஷன் கலந்து கொண்டு விருந்து சாப்பிட்டார் என்றும் செய்திகள் வெளியாகின.
இந்த நிலையில் தற்போது ஹிருத்திக் ரோஷன் தனது முன்னாள் மனைவி சுசானா மற்றும் குழந்தைகள் தியேட்டருக்கு சென்று படம் பார்த்த புகைப்படங்கள் இணையதளங்களில் வைரலாகி வருகின்றன.
ஹிருத்திக் ரோஷன் தற்போது சித்தார்த் ஆனந்த் இயக்கிவரும் ’ஃபைட்டர்’ என்ற திரைப்படத்தில் நடித்து வருகிறார் என்பதும் இதனை அடுத்து ’விக்ரம் வேதா’ படத்தின் ரீமேக்கில் நடிக்க உள்ளார் என்பதும் குறிப்பிடத்தக்கது.