పూరి హీరోయిన్స్ ఎలా ఉంటారో తెలుసా!
- IndiaGlitz, [Tuesday,January 29 2019]
డాషింగ్ డైరెక్ట‌ర్ పూరి జ‌గ‌న్నాథ్ ద‌ర్శ‌క‌త్వంలో రామ్ హీరోగా రూపొందుతోన్న చిత్రం 'ఇస్మార్ట్ శంక‌ర్‌'. ప్ర‌స్తుతం తొలి షెడ్యూల్ షూటింగ్ జరుగుతోంది. ఇందులో నిధి అగర్వాల్, న‌భా న‌టేష్ హీరోయిన్స్‌గా న‌టిస్తున్నారు. సైన్స్ ఫిక్ష‌న్ యాక్ష‌న్ మూవీ జోన‌ర్‌లో పూరి ఈ సినిమాను తెర‌కెక్కిస్తున్నాడ‌ని టాక్‌. హీరోల‌ను మాస్ యాంగిల్‌లో చూపించే పూరి రామ్‌ను కూడా అలాగే చూపిస్తున్నాడు.
అలాగే ఇద్ద‌రి హీరోయిన్స్ ప్రెజంటేష‌న్ విష‌యంలో కూడా వైవిధ్య‌త‌ను చూపిస్తున్నాడ‌ట పూరి. న‌భా న‌టేష్‌ను పాత్ర పూర్తి మాస్ కోణంలో హైద‌రాబాద్ యాస‌లో మాట్లాడుతూ క‌న‌ప‌డుతుంద‌ట. ఇక నిధి అగర్వాల్ పాత్ర డాక్ట‌ర్‌గా క‌న‌ప‌డుతుంద‌ని ఫిలింన‌గ‌ర్ వ‌ర్గాల స‌మాచారం. ఈ చిత్రాన్ని మే నెల‌లో విడుద‌ల చేయాల‌ని నిర్మాత‌లు పూరి, ఛార్మి భావిస్తున్నారు.