வேந்தர் மூவீஸ் மதனுக்கு எத்தனை மனைவிகள்? காதலிகள் உண்டா? தாயார் விளக்கம்
- IndiaGlitz, [Thursday,November 24 2016]
கடந்த ஆறு மாதங்களாக தலைமறைவாக இருந்த வேந்தர் மூவீஸ் மதன் சமீபத்தில் கைது செய்யப்பட்டு அவரிடம் விசாரணை நடந்து வருகிறது. இந்நிலையில் மதனுக்கு ஏற்கனவே இரண்டு மனைவிகள் உள்ளனர் என்றும் மூன்றாவது ஒரு பெண்ணை அவர் திருமணம் செய்துகொண்டதாகவும் ஊடகங்களில் செய்தி வெளிவந்துள்ளது. மேலும் அவர் ஒருசில பெண்களுடனும் உல்லாசமாக இருந்ததாகவும் கூறப்படுகிறது.
இந்நிலையில் ஊடகங்களில் தனது மகன் குறித்து வெளிவந்துள்ள செய்திகளை மதனின் தாயார் தங்கம் மறுத்துள்ளார். மதனுடைய முதல் மனைவி கருத்துவேறுபாடு காரணமாக பிரிந்துவிட்டதாகவும், அதன் பின்னர் இரண்டாவது திருமணம் செய்து கொண்டதாகவும், வேறு காதலிகள் யாரும் மதனுக்கு கிடையாது என்றும் தங்கம் தெரிவித்தார்.
மேலும் எஸ்.ஆர்.எம் கல்லூரி நிர்வாகத்தில் பச்சமுத்துவிற்கும் ரவி பச்சமுத்துவிற்கும் ஏற்பட்ட பிரச்சனையில் தனது மகனை பலிகடா ஆக்க முயற்சித்ததால் அவர் உயிருக்கு பயந்து தலைமறைவானதாகவும், கல்லூரிகளில் நன்கொடை வசூலித்த விவகாரத்தில் முதல் குற்றவாளி மதன் இல்லை என்றும் அவர் தெரிவித்தார்.