జ్యోతిక‌కు కార్తీ ఏమ‌వుతాడు... మ‌రిది అవుతాడు. భ‌ర్త సూర్య‌కు స్వ‌యానా త‌మ్ముడు మ‌రిదే క‌దా అవుతాడు. కానీ త‌మ్ముడు అవుతాడు అని అంటున్నారు జీతు జోసెఫ్‌. మ‌ల‌యాళంలో 'దృశ్యం', త‌మిళంలో 'పాప‌నాశ‌నం' చిత్రాల‌ను తెర‌కెక్కించింది ఇత‌నే. తాజాగా అత‌ను జ్యోతిక‌, కార్తి ప్ర‌ధాన పాత్ర‌ల్లో ఓ సినిమాను సెట్స్ మీద‌కు తీసుకెళ్ల‌నున్నారు.

ఈ చిత్రంలో జ్యోతిక బ్ర‌ద‌ర్‌గా కార్తి న‌టించ‌నున్నార‌ట‌. అక్కా,త‌మ్ముళ్ల మ‌ధ్య అనుబంధంతో సాగే చిత్రంగా ఈ సినిమా క‌థ‌ను మ‌లిచార‌ట‌. మ‌రో విష‌యం ఏంటంటే జ్యోతిక త‌మ్ముడు సూర‌జ్ ఈ సినిమాకు నిర్మాత‌గా వ్య‌వ‌హ‌రిస్తున్నారు. త‌మిళ్‌తో పాటు తెలుగులోనూ ఈ సినిమాను విడుద‌ల చేయ‌డానికి స‌న్నాహాలు జ‌రుగుతున్నాయి.

కార్తి ప్ర‌స్తుతం లోకేష్ ద‌ర్శ‌క‌త్వంలో 'ఖైదీ', భాగ్య‌రాజ్ క‌న్న‌న్ ద‌ర్శ‌క‌త్వంలో ర‌ష్మికా మండ‌న‌తో క‌లిసి మ‌రో సినిమాలో న‌టిస్తున్నారు. జ్యోతిక కూడా మ‌రో రెండు చిత్రాల‌తో బిజీగా ఉన్నారు. సో వీరిద్ద‌రు కాల్షీట్‌లు అడ్జ‌స్ట్ చేసుకుని మ‌రీ ఈ సినిమా కోసం ప‌నిచేస్తున్నారు.