டிஸ்னி ஹாட்ஸ்டாரில் பல புதிய வெப் சீரிஸ் அவ்வப்போது வெளியாகி மக்கள் மத்தியில் நல்ல வரவேற்பை பெற்று வரும் நிலையில் தற்போது ஒரு மருத்துவமனையின் பின்னணியில், இளமை துள்ளும் காதல் கலந்த, இதயத்தை வருடும் புதிய சீரிஸ் ஆரம்பமாகவுள்ளது.

ஒரு மனிதனின் இதயத்தில் நான்கு அறைகள் இருப்பது போல், மருத்துவமனையில் வேலை பார்க்கும் தனது வாழ்க்கையில் நான்கு உலகங்கள் இருக்கின்றன என்பதை மருத்துவர் ரீனா விளக்குவது தான் இந்த வெப் சீரிஸ் கதை.

ஹார்ட்பீட் என்ற டைட்டிலில் உருவாகியுள்ள இந்த வெப்சீரீஸின் புரமோ வீடியோ வெளியாகி உள்ள நிலையில் அந்த மருத்துவர் ரீனா நான்கு உலகங்களையும் எப்படி விளக்குகிறார்? இறுதியில் இந்த உலகம் அவரது காதல் வாழ்க்கையை எப்படி மாற்றுகிறது என்பது குறித்த காட்சிகள் புரமோவில் உள்ளது. ஏற்கனவே ’லேபிள்’ உள்பட பல சீரியல்கள் மிகப்பெரிய வெற்றி பெற்ற நிலையில் அந்த வகையில் இந்த வெப்சீரிஸ் மக்கள் மனதை வெல்லும் என்று எதிர்பார்க்கப்படுகிறதுள்ளன

இந்த சீரிஸில் நடிகை அனுமோல், தீபா பாலு, யோகலக்‌ஷ்மி, தாபா, சாருகேஷ், ராம், சபரேஷ், சர்வா, பதினே குமார், குரு லக்ஷ்மண், ஜெயராவ், கிரி துவாரகேஷ், சந்திரசேகர், தேவிஸ்ரீ, கவிதாலயா கிருஷ்ணன், தியானேஷ், ரியா, ஸ்மைல் செல்வா மற்றும் சரவணன் ராஜவேல் ஆகியோர் நடிக்கின்றனர்.

இந்த சீரிஸை A Tele Factory நிறுவனம் தயாரிக்கிறது. இயக்குநர் தீபக் சுந்தர்ராஜன் இயக்குகிறார். ரெஜிமெல் சூர்யா தாமஸ் ஒளிப்பதிவு செய்துள்ளார். இந்த சீரிஸுக்கு சரண் ராகவன் இசையமைக்க, விக்னேஷ் அர்ஜுன் எடிட்டிங் பணிகளை செய்கிறார்.

இந்த சீரிஸ் பற்றிய மற்ற விவரங்கள் விரைவில் அதிகாரப்பூர்வமாக வெளியிடப்படும்.