ஹாட்ஸ்டாரில் ஒரு கோலி சோடா.. இன்று இரவு வெளியாகிறது டிரைலர்..!
- IndiaGlitz, [Saturday,August 24 2024]
விஜய் மில்டன் இயக்கத்தில் கடந்த 2014 ஆம் ஆண்டு ’கோலி சோடா’ என்ற திரைப்படம் வெளியானது என்பதும் அதன் பின்னர் இந்த படத்தின் இரண்டாம் பாகம் 2018 ஆம் ஆண்டு வெளியாகிய நல்ல வெற்றி பெற்றது என்பது தெரிந்தது.
இந்த நிலையில் விஜய் மில்டனின் இயக்கத்தில் உருவாகும் ’கோலிசோடா’ என்ற ஹாட்ஸ்டார் ஸ்பெஷல் வெப் சீரிஸ் உருவாக்கப்பட்டுள்ள நிலையில் இந்த தொடரின் டீசர் இன்று இரவு 8 மணிக்கு வெளியாக இருப்பதாக அறிவிக்கப்பட்டுள்ளது.
தமிழ், தெலுங்கு, ஹிந்தி, கன்னடம், மலையாளம், மராத்தி, பெங்காலி ஆகிய மொழிகளில் விரைவில் இந்த வெப் தொடர் வெளியாக உள்ளது என்பது குறிப்பிடத்தக்கது. விஜய் மில்டன் இயக்கத்தில் உருவாகிய இந்த வெப் தொடரில் ஷாம், ரம்யா நம்பீசன், விஜய் டிவி புகழ், ஜான்விஜய், அபிராமி, அவந்திகா, இமான் அண்ணாச்சி உள்ளிட்ட பலர் நடித்துள்ளனர்.
விஜய் மில்டனின் ‘கோலி சோடா’ திரைப்படங்கள் போலவே இந்த வெப்தொடரும் ரசிகர்கள் மத்தியில் நல்ல வரவேற்பை பெறும் என்று எதிர்பார்க்கப்படுகிறது.