ప‌లు సినిమాల్లో స్పెష‌ల్ సాంగ్స్‌, స్పెష‌ల్ రోల్స్‌లో న‌టిస్తోన్న హాట్ బ్యూటీ హంస నందిని ఇప్పుడు భారీ ఛాన్స్‌ను ద‌క్కించుకుంది. సినీ వ‌ర్గాల స‌మాచారం మేర‌కు ఈ అమ్మ‌డు రాజ‌మౌళి, ఎన్టీఆర్‌, రామ్‌చ‌ర‌ణ్ కాంబినేష‌న్‌లో రూపొందుతోన్న భారీ చిత్రం `ఆర్ఆర్ఆర్‌`లో కీల‌క పాత్ర‌ను పోషిస్తుంద‌ట‌. ఈవార్త‌లు నిజ‌మైతే రాజ‌మౌళితో హంస నందిని ప‌నిచేయ‌బోయే రెండో సినిమా ఇదే అవుతుంది. ఇంత‌కు ముందు ఈగ చిత్రంలోనూ హంస నందిని ఓ చిన్న పాత్ర‌లో న‌టించారు. ఎంతో ప్ర‌తిష్టాత్మ‌కంగా రూపొందుతోన్న`ఆర్ఆర్ఆర్‌`ను డి.వి.వి.దాన‌య్య నిర్మిస్తున్నారు.

ఈ సినిమా విడుద‌ల తేదీపై వ‌స్తున్న వార్త‌లకు కూడా చిత్ర యూనిట్ చెక్ పెడుతూ వ‌చ్చే ఏడాది జ‌న‌వ‌రి 8న సినిమాను విడుద‌ల చేయ‌బోతున్న‌ట్లు క్లారిటీ ఇచ్చేసింది. ఈ చిత్రంలో తార‌క్ తెలంగాణ విప్ల‌వ వీరుడు కొమురం భీమ్‌గా.. రామ్‌చ‌ర‌ణ్ మ‌న్యం వీరుడు అల్లూరి సీతారామరాజు పాత్ర‌లో న‌టిస్తోన్న సంగ‌తి తెలిసిందే. సముద్ర‌ఖ‌నితో పాటు బాలీవుడ్ స్టార్ అజ‌య్ దేవ‌గ‌ణ్ కీల‌క పాత్ర‌లో న‌టిస్తుండ‌గా అజ‌య్ స‌ర‌స‌న శ్రియా శ‌ర‌న్ న‌టిస్తుంది. హాలీవుడ్ స్టార్స్ రే స్టీవెన్ స‌న్‌, అలిస‌న్ డూడ్ త‌ద‌త‌రులు కీల‌క పాత్ర‌ల్లో న‌టిస్తున్నారు.