சுந்தர் சியின் கனவுப்படம் 'சங்கமித்ரா'வின் நாயகி அறிவிப்பு
- IndiaGlitz, [Tuesday,February 14 2017]
கோலிவுட் திரையுலகின் முன்னணி தயாரிப்பு நிறுவனங்களில் ஒன்றான ஸ்ரீதேனாண்டாள் பிலிம்ஸ் நிறுவனம் மிகப்பெரிய பட்ஜெட்டில் தயாரிக்கவுள்ள 'சங்கமித்ரா' திரைப்படத்தை பிரபல இயக்குனர் சுந்தர் சி இயக்கவுள்ளார் என்பது அறிந்ததே.
சுந்தர் சியின் கனவுப்படமான இந்த படத்தில் ஜெயம் ரவி, ஆர்யா ஆகியோர் முக்கிய வேடத்தில் நடிக்கவுள்ளனர். ஆஸ்கார் நாயகன் ஏ.ஆர்.ரஹ்மான் இசையமைக்கவுள்ள இந்த படத்தின் நாயகியாக ஸ்ருதிஹாசன் தற்போது அறிவிக்கப்பட்டுள்ளார்.
பாலிவுட் நடிகை தீபிகா படுகோனே முதல் பல முன்னணி நடிகைகள் இந்த படத்தின் நாயகி கேரக்டருக்கு பரிசீலித்து வந்த நிலையில் தற்போது ஸ்ருதிஹாசன் தேர்வு செய்யப்பட்டுள்ளதாக படக்குழுவினர்களிடம் இருந்து தகவல்கள் வெளிவந்துள்ளது.