விக்ரம் பிரபுவுக்கு 'லிப்லாக்' கொடுக்க ஷாம்லி தயங்கியது ஏன்?
- IndiaGlitz, [Friday,September 09 2016]
சமீபத்தில் விக்ரம்பிரபு நடிப்பில் வெளிவந்த 'வாஹா' திரைப்படம் எதிர்பார்த்த வெற்றியை பெறாத நிலையில் அவர் நடித்து முடித்துள்ள 'வீரசிவாஜி' திரைப்படம் விரைவில் வெளியாகவுள்ளது. இந்த படத்தில் விக்ரம்பிரபுவுக்கு ஜோடியாக ஷாலினி அஜித்தின் தங்கை ஷாம்லி நடித்துள்ளார்.
விக்ரம்பிரபுவுவின் ஜோடியாக ஷாமிலி முதன்முறையாக நடித்தாலும் இருவரும் ஏற்கனவே நன்கு அறிமுகமானவர்கள்தான். நிஜத்தில் விக்ரம் பிரபுவின் உடன்பிறந்த தங்கையுடன் படித்தவர்தான் ஷாம்லி.
எனவே தோழியின் அண்ணனுடன் காதல் காட்சியில் நடிக்க ஷாம்லி முதலில் தயங்கியதாகவும் குறிப்பாக இந்த படத்தில் இடம்பெற்ற 'லிப்லாக்' காட்சியில் நடிக்க அவர் மிகுந்த சிரமப்பட்டதாகவும் கூறப்படுகிறது.
குடும்பத்துடன் பார்த்து மகிழும் வகையில் உருவாகியுள்ள 'வீரசிவாஜி' படத்தை கணேஷ் விநாயக் இயக்கியுள்ளார். மெட்ராஸ் எண்டர்டெயின்மெண்ட் நிறுவனம் தயாரித்துள்ள இந்த படத்திற்கு டி.இமான் இசையமைத்துள்ளார்.