நயன்தாராவின் மாஸ் ஓப்பனிங்
- IndiaGlitz, [Wednesday,September 07 2016]
பொதுவாக ஹீரோக்களுக்குத்தான் அதுவும் பெரிய ஹீரோக்களுக்குத்தான் மாஸ் ஒப்பனிங் பாடல் வைப்பது தமிழ் சினிமாவின் வழக்கம். ஆனால் முதல்முறையாக லேடி சூப்பர் ஸ்டார் நயன்தாராவுக்கு ஒரு மாஸ் ஓப்பனிங் பாடல் அவர் நடித்து வரும் 'டோரா' படத்திற்கு வைக்கப்பட்டுள்ளதாக செய்திகள் வந்துள்ளது.
இந்த பாடல் சமீபத்தில் மிகப்பெரிய செட் ஒன்றில் படமாக்கப்பட்டுள்ளதாகவும், நயன்தாராவின் அட்டகாசமான நடனத்தில் அமைந்துள்ள இந்த பாடல் அவரது ரசிகர்களின் பெரும் வரவேற்பை பெரும் என்றும் எதிர்பார்க்கப்படுகிறது.
'மாயா' படத்திற்கு பின்னர் நயன்தாரா நடிக்கும் திகில் படமான 'டோரா' படத்தை பிரபல இயக்குனர் சற்குணம் தயாரிக்க, அவரது உதவியாளர் தாஸ் ராமசாமி இயக்கியுள்ளார். நயன்தாராவின் தந்தையாக தம்பி ராமையா நடிக்கும் இந்த படத்தில் ஹரீஷ் உத்தமன், ஷான் உள்பட பலர் நடித்துள்ளனர். நேமிசந்த் ஜபக் தயாரித்து வரும் இந்த படத்தின் படப்பிடிப்பு முடிந்து தற்போது போஸ்ட் புரடொக்ஷன்ஸ் பணிகள் விறுவிறுப்பாக நடந்து வருகிறது.