ஸ்டார் ஹீரோக்களுக்கு இணையான சாதனை செய்த நயன்தாரா படம்
- IndiaGlitz, [Monday,February 27 2017]
பொதுவாக கோலிவுட் திரையுலகில் பெரிய ஸ்டார் நடிகர்கள் நடித்த படங்களின் டீசர், டிரைலர் மட்டுமே மில்லியன் கணக்கான பார்வையாளர்களை பெறுவது வழக்கம். பெரிய ஹீரோக்களுக்கு உலகம் முழுவதும் ரசிகர்கள் கூட்டம் இருப்பதால் மில்லியன் பார்வையாளர்களை ஒருசில நாட்களில் பெற்றுவிடுவது எளிதான ஒன்றாக இருந்து வருகிறது.
ஆனால் முதன்முறையாக நாயகிக்கு முக்கியத்துவம் கொடுத்து தயாரிக்கப்பட்டுள்ள படம் ஒன்று பெரிய ஸ்டார் படங்களுக்கு இணையான சாதனை பெற்றுள்ளது. ஆம், அந்த நாயகி கோலிவுட் லேடி சூப்பர் ஸ்டார் நயன்தாரா என்பதை சொல்லவே தேவையில்லை.
நயன்தாரா நடிப்பில் தாஸ் ராமதாமி இயக்கியுள்ள 'டோரா' திரைப்படத்தின் டீசர் கடந்த 17ஆம் தேதி வெளியான நிலையில் பத்தே நாட்களில் இந்த டீசர் 2 மில்லியனுக்கும் அதிகமான பார்வையாளர்களை பெற்றுள்ளது. அதுமட்டுமின்றி இந்த டிசருக்கு 20 ஆயிரத்திற்கும் மேற்பட்ட லைக்குகள் கிடைத்துள்ளது என்பதும் குறிப்பிடத்தக்கது. நயன்தாரா நடித்த படம் டீசரிலேயே பெரிய ஸ்டார் படங்களுக்கு இணையான சாதனை புரிந்துள்ளதுபோல் வசூலிலும் சாதனை புரியுமா? என்பதை பொறுத்திருந்து பார்ப்போம்.
நயன்தாரா , தம்பிராமையா, ஹரிஷ் உத்தமன் உள்பட பலர் நடித்துள்ள இந்த படத்திற்கு தினேஷ் கிருஷ்ணன் ஒளிப்பதிவும், கோபிகிருஷ்ணா படத்தொகுப்பும் செய்துள்ளனர். இந்த படத்திற்கு விவேக்-மெர்வின் இரட்டையர்கள் இசையமைத்துள்ளனர். இவர்களுடைய இசையில் அனிருத் 'ரா ரா ரா' என்ற பாடலை பாடியுள்ளார் என்பதும் அந்த பாடல் சமீபத்தில் வெளியாகி மிகப்பெரிய ஹிட்டானது என்பதும் அறிந்ததே.