ஒரே படத்தில் நான்கு முன்னணி நடிகைகள்
- IndiaGlitz, [Friday,September 23 2016]
கடந்த 90கள் மற்றும் 2000-இல் தமிழ் திரையுலகின் முன்னணி நாயகிகளாக இருந்த நடிகைகள் குஷ்பு, சுஹாசினி, ராதிகா மற்றும் ஊர்வசி. இவர்கள் தற்போது அம்மா கேரக்டர் உள்பட ஒருசில கேரக்டர்களில் நடித்து வரும் நிலையில் விரைவில் ஒரு படத்தில் நால்வரும் இணைந்து ஒரே படத்தில் நடிக்கவுள்ளனர்.
இந்த படத்தை பிரபல இசையமைப்பாளரும் இயக்குனருமான ஜேம்ஸ் வசந்தன் இயக்கவுள்ளார். இவர் ஏற்கனவே 'வானவில் வாழ்க்கை' என்ற படத்தை இயக்கியுள்ளார் என்பது குறிப்பிடத்தக்கது.
ஒரே படத்தில் நான்கு நடிகைகள் இணைந்து நடிப்பதால் இந்த படம் பெண்களுக்கு முக்கியத்துவம் கொடுக்கும் படமாக இருக்கும் என்று எதிர்பார்க்கப்படுகிறது. மேலும் இந்த படம் குறித்த மேலும் சில தகவல்களுடன் விரைவில் அறிவிப்பு வெளிவரவுள்ளது என்பது குறிப்பிடத்தக்கது.