அஜித்துடன் பிறந்த நாளை கொண்டாட வேண்டும். பிரபல நடிகையின் ஆசை
- IndiaGlitz, [Wednesday,October 19 2016]
கோலிவுட் நடிகர், நடிகைகள் மட்டுமின்றி பிற மொழி நட்சத்திரங்களும் அஜித்துடன் ஒரே ஒரு படத்திலாவது நடிக்க வேண்டும் என்ற கனவை சுமந்து வருகின்றனர் என்பதை அவ்வப்போது வெளிவரும் பேட்டிகளில் இருந்து தெரிந்து கொள்கிறோம்.
இந்நிலையில் பிரபல கன்னட நடிகை ஹர்ஷிகா பூனச்சா (Harshika Poonacha ) சமூக வலைத்தளம் ஒன்றில் ரசிகர் ஒருவர் கேட்ட கேள்விக்கு பதிலளித்தபோது, 'தல அஜித்துடன் நடிக்க வேண்டும் என்பது என்னுடைய நீண்ட நாள் கனவு. மேலும் என்னுடைய பிறந்த நாளை ஒருமுறையாவது தல அஜித்துடன் கொண்டாட விரும்புகிறேன்' என்று கூறியுள்ளார். தல அஜித் பிறந்த மே 1ஆம் தேதிதான் ஹர்ஷாவுக்கும் பிறந்த நாள் என்பது குறிப்பிடத்தக்கது.
மேலும் ஷர்சிகா விரைவில் ஜெய்க்கு ஜோடியாக ஒரு தமிழ் படத்தில் நடிக்கவுள்ளதாகவும் இந்த படம் குறித்த பேச்சுவார்த்தையில் அவர் ஈடுபட்டுள்ளதாகவும் செய்திகள் வெளிவந்துள்ளது.