விஷ்ணுவுடன் முதன்முறையாக இணையும் அமலாபால்
- IndiaGlitz, [Thursday,November 24 2016]
இயக்குனர் விஜய்யுடன் விவாகரத்து குறித்த அறிவிப்பை சமீபத்தில் அறிவித்த நடிகை அமலாபால், தற்போது கோலிவுட்டில் அதிக வாய்ப்புகளை பெற்று வருகிறார். ஏற்கனவே தனுஷூடன் 'வடசென்னை' மற்றும் 'விஐபி 2' ஆகிய படங்களில் நடிக்க ஒப்பந்தமாகியுள்ள அமலாபால், சுசிகணேசன் இயக்கவுள்ள 'திருட்டுப்பயலே 2' படத்திலும் நடிக்கவுள்ளார்.
இந்நிலையில் முண்டாசுப்பட்டி இயக்குனர் ராம்குமாரின் அடுத்த படத்தில் விஷ்ணு விஷாலுக்கு ஜோடியாக அமலாபால் நடிக்க ஒப்பந்தமாகியுள்ளார்.. க்ரைம் த்ரில்லர் படமான இந்த படத்தில் அமலாபாலுக்கு முக்கியத்துவம் உள்ள கேரக்டர் என்றும் அவரது நடிப்புத்திறமையை முழு அளவில் வெளிப்படுத்தும் கேரக்டர் என்றும் படக்குழுவினர் கூறுகின்றனர்.
இந்த படத்தில் அமலாபால் நடிக்கவுள்ளது குறித்து இயக்குனர் ராம்குமார் கூறியபோது, 'இந்த படத்திற்கு ஒரு ஹோம்லி லுக் நாயகி தேவைப்பட்டார். அமலாபால் இந்த கேரக்டருக்கு மிகச்சரியாக பொருந்துவார் என்பதால் அவரை ஒப்பந்தம் செய்தோம். நவம்பர் 29 முதல் படப்பிடிப்பை தொடங்கவுள்ளோம்.
மேலும் இந்த படத்தில் இதுவரை தமிழ் சினிமா பார்த்திராத ஒரு வித்தியாசமான வில்லனை அறிமுகப்படுத்த போகிறேன். போலீஸ் வேடத்தில் விஷணுவிஷால் நடிக்கவுள்ள இந்த படத்திற்கு ஜிப்ரான் இசையமைக்கவுள்ளார். சங்கர் ஒளிப்பதிவில் கோபி கலை இயக்கத்தில், உருவாகும் இந்த படத்தில் காளிவெங்கட், முண்டாசுப்பட்டி' ராம்தாஸ் ஆகியோர்களும் நடிக்கவுள்ளனர்.