తేజ తెర‌కెక్కించిన తాజా చిత్రం హోరా హోరి.నూత‌న న‌టీన‌టుల‌తో రూపొందిన హోరా హోరి చిత్రం ఈ నెల 11న ప్రేక్ష‌కుల ముందుకు రానుంది. ఈ సినిమా దాదాపు 70 శాతం రైన్ ఎఫెక్ట్ లో ఉంటుంద‌ట‌. ప్ర‌స్తుతం యువ‌తీ యువ‌కులు ప్రేమ విఫ‌ల‌మైతే ఆత్మ‌హ‌త్యే మార్గం అన్న‌ట్టు ప్ర‌వ‌ర్తిస్తున్నారు. ఈ పాయింట్ ఆధారంగా హోరా హోరి చిత్రాన్ని తెర‌కెక్కించాన‌ని తేజ చెబుతున్నారు.

ప్ర‌ముఖ నిర్మాత సురేష్ బాబు ఈ సినిమాని చూసారు క‌దా..ఏమ‌న్నారు అని అడిగితే..ఆయ‌న‌కు బాగా న‌చ్చింది. క‌నుక‌నే ఈ సినిమాలో పార్ట‌న‌ర్ గా జాయిన్ అయ్యారు అని చెప్పారు. సురేష్ బాబుకి న‌చ్చింది స‌రే...సినిమా చూసాక మీకు ఏమ‌నిపించింది అని అడిగితే...నాకు జ‌యం సినిమా మ‌ళ్లీ చూసిన‌ట్టు ఉంది అంటున్నారు. సినిమా రిలీజ్ త‌ర్వాత సినీ విమ‌ర్శ‌కులు జ‌యం సినిమానే మ‌ళ్లీ తీసార‌ని అంటే...ఆ విష‌యం నేను ముందే చెప్పాన‌ని చెప్ప‌డం కోస‌మా..? లేక జ‌యం అంత‌టి సంచ‌ల‌న విజ‌యం సాధిస్తుంద‌ని చెప్ప‌డ‌మా...తేజ మాట‌ల్లో మ‌ర్మ‌మేమిటో..?