மத்திய உள்துறை அமைச்சர் அமித்ஷா எப்போதும் சுறுசுறுப்பாக இயங்கி வரும் நிலையில் கடந்த சில நாட்களாக அவர் குறித்த செய்திகள் எதுவும் ஊடகங்களில் வெளிவரவில்லை. மேலும் சமீபத்தில் பிரதமர் கூட்டிய கூட்டம் ஒன்றில் கலந்து கொண்ட அமித்ஷா, மிகவும் சோர்வாக இருப்பது போன்ற ஒரு புகைப்படமும் வெளியானதால் அவரது உடல்நிலைக்கு பிரச்சனை என்றும் சமூக வலைத்தளங்களில் வதந்திகள் பரவின.

இந்த நிலையில் இதுகுறித்து அமைச்சர் அமித்ஷா விளக்கம் அளித்துள்ளார். எனது உடல்நிலை குறித்து வெளியாகும் தகவல் வதந்தி என்றும், நான் நலமுடன் இருக்கிறேன் என்றும், எந்த நோயாலும் பாதிக்கப்படவில்லை என்றும் விளக்கம் அளித்துள்ளார். மேலும் தான் முழு உடல் நலத்துடன் தனது பணிகளை சிறப்புற செய்து வருவதாகவும் அவர் தெரிவித்துள்ளார்.

மேலும் நாடு முதன்முறையாக கொரோனா போன்ற உலகளாவிய தொற்றுநோயை எதிர்த்துப் போராடுகிறது என்றும், நாட்டின் உள்துறை அமைச்சராக எனது பணி இரவு வரை பிஸியாக இருப்பதாகவும், தற்போது இந்த வதந்தி குறித்து என் அறிவுக்கு வந்தபோது எனது கட்சித் தொழிலாளர்கள் மற்றும் எனது நலம் விரும்பிகளுக்காக இந்த விளக்கத்தை அளிதிதிருப்பதாகவும் அமைச்சர் அமித்ஷா தெரிவித்துள்ளார்.
 

मेरे स्वास्थ्य की चिंता करने वाले सभी लोगों को मेरा संदेश। pic.twitter.com/F72Xtoqmg9

— Amit Shah (@AmitShah) May 9, 2020