சிவகார்த்திகேயன் நடித்து வரும் ‘மாவீரன்’ திரைப்படத்தில் ஹாலிவுட் ஸ்டண்ட் இயக்குனர் இணைந்து உள்ளதாக கூறப்படும் நிலையில் இந்த படத்தில் வேற லெவல் ஸ்டண்ட் காட்சிகள் இருக்கும் என்று எதிர்பார்க்கப்படுகிறது.

சிவகார்த்திகேயன் நடிப்பில் மடோன் அஸ்வின் இயக்கத்தில் உருவாகி வரும் திரைப்படம் ’மாவீரன்’. இந்த படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்தில் ஹாலிவுட் ஸ்டண்ட் கலைஞர் யான்னிக் பென் என்பவர் இணைந்துள்ளதாக தகவல்கள் வெளியாகி உள்ளது.

ஏற்கனவே சிம்புவின் ‘வெந்து தணிந்தது காடு’, விக்ரமின் ‘துருவநட்சத்திரம்’ சமந்தாவின் ‘யசோதா’ போன்ற படங்களில் யான்னிக் பென் ஸ்டண்ட் இயக்குனராக பணிபுரிந்துள்ளார் என்பது குறிப்பிடதக்கது. இதனை அடுத்து ‘மாவீரன்’ படத்தில் வேற லெவல் ஸ்டன்ட் காட்சிகள் இருக்கும் என்று எதிர்பார்க்கப்படுகிறது.

சிவகார்த்திகேயன் ஜோடியாக அதிதிஷங்கர் நடித்து வரும் இந்த படத்தில் மிஸ்கின் மற்றும் ’புஷ்பா’ சுனில் ஆகிய இருவரும் வேற லெவல் வில்லன் கேரக்டரில் நடித்துள்ளனர். அதுமட்டுமின்றி நடிகை சரிதா ஒரு அட்டகாசமான குணச்சித்திர கேரக்டரில் நடித்து வருகிறார் என்பதும் குறிப்பிடத்தக்கது.