ஆஸ்கார் விருது பெற்ற ஹாலிவுட் டீமில் அரவிந்தசாமி
- IndiaGlitz, [Thursday,August 04 2016]
மணிரத்னம் இயக்கிய 'தளபதி' படத்தில் அறிமுகமாகிய நடிகர் அரவிந்தசாமி, அதன் பின்னர் ,ரோஜா', பம்பாய், 'இந்திரா' உள்பட பல வெற்றி படங்களில் நடித்து 2000ஆம் ஆண்டுகளில் முன்னணி நடிகராக விளங்கினார்.
இந்நிலையில் நீண்ட இடைவெளிக்கு பின்னர் கடந்த ஆண்டு வெளியான 'தனி ஒருவன்' படத்தில் வில்லனாக ரீஎண்ட்ரி ஆகி கோலிவுட்டில் பெரும் பரபரப்பை ஏற்படுத்தினார். அந்த படத்தின் வெற்றி காரணமாக அவருக்கு வாய்ப்புகள் குவிந்தன.
தற்போது அரவிந்தசாமி, ஜெயம் ரவியுடன் 'போகன்' படத்திலும், 'தனி ஒருவன்' தெலுங்கு ரீமேக்கிலும் நடித்து வருகிறார். மேலும் பாலாவின் புதிய படம் ஒன்றிலும், 'சதுரங்க வேட்டை 2' படத்திலும் அவர் நடிக்கவுள்ளார். இந்நிலையில் அரவிந்தசாமிக்கு தற்போது ஹாலிவுட் படத்தில் நடிக்கும் வாய்ப்பு ஒன்று கிடைத்துள்ளது.
பல ஆஸ்கார் விருதுகளை வென்ற 'Mad Max Fury' என்ற படக்குழுவினர்களின் அடுத்த படத்தில் முக்கிய வேடத்தில் அரவிந்தசாமி நடிக்க பேச்சுவார்த்தை நடத்தி வருவதாகவும் விரைவில் இதுகுறித்த அறிவிப்பு வெளிவரும் என்றும் கூறப்படுகிறது.