బాహుబ‌లి సీన్‌కి ఫిదా అయిన హాలీవుడ్ డైరెక్టర్
- IndiaGlitz, [Thursday,August 08 2019]
తెలుగు సినిమా స్థాయిని ప్ర‌పంచానికి చాటిన చిత్రం 'బాహుబ‌లి'. రెండు భాగాలుగా విడుద‌లైన ఈ చిత్రం దాదాపు రూ.2400 కోట్ల‌ను రాబ‌ట్టుకుంది. ఈ సినిమా విడుద‌లైన ఇప్ప‌టికీ రెండేళ్ల‌వుతున్నా కూడా ఈ మేనియా ఇంకా పోలేదు. తాజాగా ప్ర‌ముఖ హాలీవుడ్ డైరెక్టర్, డాక్ట‌ర్ స్ట్రేంజ్ ఫేమ్ స్కాట్ డెరిక్స‌న్ ఈ సినిమా గురించి ట్వీట్ చేయ‌డం విశేషం. 'బాహుబ‌లి ది క‌న్‌క్లూజ‌న్‌'లో ప్ర‌భాస్‌, స‌త్య‌రాజ్ వంటి నటీన‌టులు చెట్ల‌పై నుండి చెట్ల సాయంతో కోట‌లోకి దూకే స‌న్నివేశం గుర్తుండే ఉంటుందిగా!. ఇలాంటి స‌న్నివేశాన్ని తానెప్పుడూ చూడ‌లేదంటూ ఓ నెటిజ‌న్ పోస్ట్ చేసి వీడియోను డెరిక్స‌న్ వీక్షించి.. 'బి హోల్డ్ ఇండియ‌న్ బాహుబ‌లి' అంటూ క్యాప్ష‌న్ ఇచ్చారు.
Behold, India’s Baahubali 2! https://t.co/jY6kyQqMqt
— N O S ⋊ Ɔ I ᴚ ᴚ Ǝ ᗡ ⊥ ⊥ O Ɔ S (@scottderrickson) August 7, 2019