Hollywood:హాలీవుడ్‌లో సమ్మె సైరన్.. మూతపడిన ఇండస్ట్రీ, 63 ఏళ్ల తర్వాత తొలిసారిగా స్ట్రైక్
- IndiaGlitz, [Friday,July 14 2023]
ఆధునిక సాంకేతిక పరిజ్ఞానం రోజురోజుకు విస్తరిస్తోంది. టెక్నాలజీలో ఎప్పటికప్పుడు మార్పులు చోటు చేసుకుంటున్నాయి. ఒకటి నేర్చుకునేలోగా, మరొకటి పుట్టుకొస్తోంది. ఇక ఇటీవల రంగ ప్రవేశం సృష్టించిన అర్టిఫిషియల్ ఇంటెలిజెన్స్ (ఏఐ) సాంకేతిక రంగంలో పెను ప్రకంపనలు సృష్టిస్తోంది. దీనిని గేమ్ ఛేంజర్‌‌గా టెక్ నిపుణులు అభివర్ణిస్తున్నారు. ఈ ఏఐ టెక్నాలజీ ప్రపంచంతో మనం జీవించే , పనిచేసే, సంభాషించే విధానాన్ని పూర్తిగా మార్చేసింది. కత్తికి రెండు వైపులా పదును వున్నట్లుగా .. దాని వల్ల నష్టాలు కూడా వుంటాయని నిపుణులు హెచ్చరిస్తున్నారు. మనిషిని మించి ఆలోచించే ఈ సాంకేతిక ఏ రోజుకైనా మానవాళికి ముప్పేనంటున్నారు.
ఏఐ ముప్పు, వేతనాలు పెంపు కోరుతూ సమ్మె :
తాజాగా ప్రపంచ ప్రఖ్యాత హాలీవుడ్ చిత్ర పరిశ్రమలో ఏఐ కారణంగా సమ్మె సైరన్ మోగింది. 63 ఏళ్ల కాలంలో ఎన్నడూ లేని విధంగా నటీనటులు, రచయితలు సమ్మె చేపడుతూ వుండటంతో హాలీవుడ్‌లోని అన్ని విభాగాలు నిలిచిపోయాయి. కృత్రిమ మేథ నుంచి పొంచివున్న ముప్పు, తక్కువ వేతనాలపై ఆందోళన వ్యక్తం చేస్తూ అని విభాగాలకు చెందిన కార్మికులు సమ్మకు దిగారు. ప్రొడక్షన్ హౌస్‌లతో జరిపిన చర్చలు సఫలం కాకపోవడంతో స్క్రిన్ యాక్టర్స్ గిల్డ్ ఈ సమ్మె నిర్వహిస్తోంది. ఈ గిల్డ్‌లో 1,60,000 మంది నటీనటులు ప్రాతినిథ్యం వహిస్తున్నారు. దీంతో సినిమాలు, టెలివిజన్ కార్యక్రమాలు, వెబ్ సిరీస్‌ షూటింగ్‌లు వాయిదాపడ్డాయి. అన్నట్లు ఈ స్క్రిన్ యాక్టర్స్ గిల్డ్‌లో ట్రామ్ క్రూజ్, ఏంజెలినా జోలీ, జానీ డెప్ , మెరిల్ స్ట్రీప్, బెన్ స్టిల్లర్, కోలిన్ ఫారెల్ తదితరులు సభ్యులుగా వున్నారు. గత వారాలుగా రైటర్స్ గిల్డ్ ఆఫ్ అమెరికా సమ్మెకు దిగిన సంగతి తెలిసిందే.
1960లో చివరిసారిగా సమ్మె :
హాలీవుడ్‌లో చివరిసారిగా 1960లో సమ్మె జరిగింది. అప్పటి సూపర్‌స్టార్, అమెరికా మాజీ అధ్యక్షుడు రోనాల్డ్ రీగన్ నేతృత్వంలోని రెండు సంఘలు సమ్మె నిర్వహించాయి. 1980లో స్క్రీన్ యాక్టర్స్ సమ్మె నిర్వహించారు. ఇన్నేళ్ల తర్వాత రైటర్స్ గిల్డ్, స్క్రీన్ యాక్టర్స్ గిల్డ్ కలిసి సమ్మెకు దిగడంతో హాలీవుడ్ మూతపడినట్లయ్యింది.