తెలుగు సినిమాల్లో తొలిసారి ఓ హాలీవుడ్ న‌టుడు న‌టించ‌బోతున్నాడు. ఇంత‌కీ ఎవ‌రా న‌టుడంటే నాథ‌న్ జోన్స్‌. హాలీవుడ్ సినిమా ట్రాయ్‌, మ్యాడ్ మ్యాక్స్‌, ఫ్యూరీ రోడ్ చిత్రాల్లో న‌టించిన నాథ‌న్ జోన్స్ త‌మిళంలో భూగోళం చిత్రంలో న‌టించాడు.

ఇప్పుడు ఈ న‌టుడ్ని బాల‌కృష్ణ టైటిల్ పాత్ర‌ధారిగా క్రిష్ ద‌ర్శ‌క‌త్వంలో రూపొంద‌నున్న 100వ చిత్రం గౌత‌మీపుత్ర శాత‌క‌ర్ణిలో న‌టింప చేయ‌డానికి ప్ర‌య‌త్నాలు చేస్తున్నాడు. అయితే ఇది ఇంకా చ‌ర్చ‌ల ద‌శ‌లోనే ఉంద‌ని విశ్వ‌స‌నీయ వ‌ర్గాల స‌మాచారం. ప్ర‌స్తుతం బాల‌య్య గౌత‌మీపుత్ర‌శాత‌క‌ర్ణి జార్జియాలో చిత్రీక‌ర‌ణ జ‌రుపుకుంటుంది. ఈ షెడ్యూల్‌లో గ్రీకులు, శాతవాహనులు మ‌ధ్య జ‌రిగే యుద్ధ స‌న్నివేశాలు చిత్రీక‌రిస్తున్నారు. ఈ ఏపిసోడ్‌లో నాథ‌న్ జోన్స్ న‌టింప చేస్తే బావుంటుంద‌ని ద‌ర్శ‌క నిర్మాత‌ల అభిప్రాయం. మ‌రి ఈ హాలీవుడ్ న‌టుడెమంటాడో చూడాలి....