விமான விபத்தில் பிரபல நடிகர் 2 மகள்களுடன் மரணம்.. புத்தாண்டு கொண்டாடிவிட்டு திரும்பியபோது விபத்து..!
- IndiaGlitz, [Saturday,January 06 2024]
பிரபல ஹாலிவுட் நடிகர் கிறிஸ்டியன் ஆலிவர் விமான விபத்தில் தனது இரண்டு மகள்களுடன் பரிதாபமாக பலியான சம்பவம் ரசிகர்கள் மத்தியில் அதிர்ச்சியை ஏற்படுத்தி உள்ளது.
கடந்த சில நாட்களுக்கு முன் ஹாலிவுட் நடிகர் கிறிஸ்டியன் ஆலிவர் தனது இரண்டு மகள்களுடன் புத்தாண்டு கொண்டாடுவதற்கு நிவிஸ் தீவுக்கு சென்றார். அவர் புத்தாண்டு தினத்தில் தனது சமூக வலைத்தளத்தில் ’2024 ஆம் ஆண்டு சிறப்பாக இருக்கட்டும் என்றும், அன்பு ஆட்சி செய்யட்டும் என்றும் அனைவருக்கும் வாழ்த்து தெரிவித்திருந்தார்.
இந்த நிலையில் புத்தாண்டு கொண்டாட்டத்தை முடித்துவிட்டு கிறிஸ்டியன் ஆலிவர் தனது இரண்டு மகள்களுடன் சிறிய ரக விமானத்தில் வந்து கொண்டிருந்த போது திடீரென ஏற்பட்ட விபத்தால் அவர் தனது இரண்டு மகள்களுடன் காலமானார். கிழக்கு அரேபியன் என்ற பகுதிக்கு அருகில் விமான விபத்து ஏற்பட்டதாகவும் விமானம் விபத்து குறித்த தகவல்களை அந்த பகுதி மக்கள் கூறிய பிறகு கடலோர காவல் படையினர் விரைந்து சம்பவ இடத்திற்கு சென்றதாகவும் செய்தி வெளியாகியுள்ளது.
இரண்டு மகள்களுடன் நடிகர் கிறிஸ்டியன் ஆலிவர் விபத்தில் காலமான செய்தி ஹாலிவுட் நடிகர்கள் மற்றும் ரசிகர்கள் மத்தியில் பெரும் அதிர்ச்சியை ஏற்படுத்தியுள்ளது என்பது குறிப்பிடத்தக்கது.
ஜெர்மனியை சேர்ந்த கிறிஸ்டியன் ஆலிவர் ‘தி குட் ஜெர்மன்’, ’ஸ்பீட் ரேசர்’, ’இந்தியானா ஜோன்ஸ்’, ’டயல் ஆஃப் டெஸ்டினி’ உட்பட பல திரைப்படங்களில் நடித்துள்ளார்.