சூப்பர் ஸ்டார் ரஜினிகாந்த், நயன்தாரா நடிப்பில் ஏ.ஆர்.முருகதாஸ் இயக்கி வரும் 'தர்பார்' படத்தின் படப்பிடிப்பு கடந்த சில மாதங்களாக விறுவிறுப்புடன் நடந்து வரும் நிலையில் இந்த படத்தின் அடுத்தகட்ட படப்பிடிப்பு விரைவில் தொடங்கவுள்ளது

இந்த நிலையில் அர்னால்டு நடித்த கமாண்டோ, பிரிடேட்டர், எக்ஸ் மென் போன்ற ஆங்கில நடித்த பில் டியூக் தனது சமூக வலைத்தள பக்கத்தின் மூலம் ஏ.ஆர்.முருகதாஸிடம் 'தர்பார்' படத்தில் நடிக்க வாய்ப்பு கேட்டுள்ளார். அவர் பதிவு செய்த டுவீட்டில், 'எனக்கு தமிழ் பேச வராது. ஆனாலும் ரஜினியின் அமெரிக்க கசினாகவோ அல்லது நயன்தாராவுக்கு அங்கிளாகவோ நடிக்க தயார். அனிருத் எனக்காக ஒரு சூப்பர் பாட்டு போட்டு கொடுப்பார். நீங்கள் என்ன நினைக்கின்றீர்கள்? என்று கேட்டுள்ளார். இந்த பதிவை பார்த்து ஆச்சரியம் அடைந்த ஏ.ஆர்.முருகதாஸ், 'உண்மையாகத்தான் சொல்கிறீர்களா? என்று கேட்டுள்ளார்.

ஏற்கனவே முருகதாஸ் 'ஸ்பைடர்' படத்தை இயக்கி கொண்டிருந்தபோது இதே டுவிட்டரில் தான் பில் டியூக், ஏ.ஆர்.முருகதாஸிடம், 'லாஸ் ஏஞ்சல்ஸ் வந்தால் என்னை சந்தியுங்கள். இருவரும் இணைந்து சர்வதேச தரத்துடன் கூடிய ஒரு படம் எடுப்பது குறித்து ஆலோசனை செய்வோம்' என்று ஒரு டுவீட்டை பதிவு செய்திருந்தார் என்பது குறிப்பிடத்தக்கது.