தனுஷ்-கார்த்திக் சுப்புராஜ் படத்தில் பிரபல ஹாலிவுட் ஹீரோ
- IndiaGlitz, [Sunday,October 23 2016]
நடிகர் தனுஷ் நடித்த 'கொடி' திரைப்படம் வரும் தீபாவளி அன்று பிரமாண்டமாக வெளிவரவுள்ளது. மேலும் அவர் கவுதம் மேனன் இயக்கத்தில் 'என்னை நோக்கி பாயும் தோட்டா' மற்றும் வெற்றி மாறன் இயக்கத்தில் 'வடசென்னை' ஆகிய படங்களில் நடித்து வருகிறார். அதுமட்டுமின்றி ராஜ்கிரண் நடித்து வரும் 'பவர்பாண்டி' என்ற படத்தையும் இயக்கி வருகிறார்.
மேலும் பிரபல இயக்குனர் கார்த்திக் சுப்புராஜ் இயக்கத்தில் தனுஷ் ஒரு படத்தில் நடிக்கவுள்ளதாகவும், இந்த படத்தின் ஆரம்பகட்ட பணிகளை கார்த்திக் சுப்புராஜ் கவனித்து வருவதாகவும் வெளிவந்த செய்தியினை ஏற்கனவே பார்த்தோம்
இந்நிலையில் இந்த படத்தின் பெரும்பாலான பகுதி அமெரிக்காவில் படப்பிடிப்பு நடத்த திட்டமிட்டுள்ளதாகவும், அதுமட்டுமின்றி இந்த படத்தின் முக்கிய கேரக்டர் ஒன்றில் ஹாலிவுட் நடிகர் Al Pacino நடிக்க வாய்ப்பு இருப்பதாகவும் கூறப்படுகிறது. இவர் Scarface உள்பட பல ஹாலிவுட் படங்களில் நடித்தவர் என்பது குறிப்பிடத்தக்கது. இதுகுறித்த அறிவிப்பு விரைவில் வெளிவரும் என்று கூறப்படுகிறது.