పెళ్లి త‌ర్వాత పెర్ఫామెన్స్ పాత్ర‌ల‌కు ప్రాధాన్య‌త ఇస్తున్న హీరోయిన్ రాణి ముఖ‌ర్జీ న‌టించిన చిత్రం 'హిచ్ కీ'. ఈ ఏడాది మార్చిలో విడుద‌లైన ఈ చిత్రం చాలా పెద్ద విజ‌యాన్నే సొంతం చేసుకుంది. టీచ‌ర్ కావాల‌నుకునే ఓ మ‌హిళకు వింత శ‌బ్దాలు చేసే మాన‌సిక స‌మ‌స్య ఉంటుంది.

ఆ స‌మ‌స్య‌ను అధిగ‌మించి ఆ మ‌హిళ టీచ‌ర్ ఎలా అయ్యింద‌నే క‌థ‌తో ద‌ర్శ‌కుడు సిద్ధార్థ్ మ‌ల్హోత్రా తెర‌కెక్కించిన ఈ చిత్రం ఇప్పుడు చైనాలో కూడా విడుద‌లై మంచి ఆద‌ర‌ణ పొందుతుంద‌ట‌. చైనాలో కూడా వంద కోట్ల రూపాయ‌ల వ‌సూళ్ల‌ను సినిమా సాధించింద‌ని రాణి ముఖ‌ర్జీ త‌న సోష‌ల్ మీడియా అకౌంట్ ద్వారా తెలిపారు. కంటెంట్ ఉన్న సినిమాల‌కు ప్రాంతం, భాష‌తో సంబంధం ఉండ‌ద‌ని 'హిచ్‌కీ' నిరూపించింద‌ని రాణీముఖర్జీ ఈ సంద‌ర్భంగా తెలిపారు.