ముగ్గురు స్టార్స్‌తో హిట్ సీక్వెల్‌
- IndiaGlitz, [Monday,January 28 2019]
ఈ సంక్రాంతికి విడుద‌లై సూప‌ర్‌డూప‌ర్ హిట్ అయిన చిత్రం 'ఎఫ్‌2.. ఫన్ అండ్ ఫ్ర‌స్టేష‌న్‌'. వెంకటేష్, వ‌రుణ్‌తేజ్‌, త‌మ‌న్నా, మెహ‌రీన్ హీరో హీరోయిన్లుగా న‌టించారు. ఈ చిత్రం వంద కోట్ల రూపాయ‌ల‌ను వ‌సూలు చేసింది. ఇప్పుడు ఈ సినిమాకు సీక్వెల్‌గా 'ఎఫ్‌3' చేస్తామ‌ని అనిల్ రావిపూడి ప్ర‌క‌టించాడు.
ఈ సీక్వెల్లో వెంకటేష్, వ‌రుణ్‌తేజ్‌తో పాటు మాస్ మ‌హారాజా ర‌వితేజ్ కూడా న‌టించ‌బోతున్నాడ‌ని వార్తలు విన‌ప‌డుతున్నాయి. రాజా ది గ్రేట్‌లో ఉన్న అంధుని పాత్ర‌ను ఎఫ్‌3లో కంటిన్యూ చేస్తార‌ని స‌మాచారం. అయితే ఈ సీక్వెల్‌ను అనిల్ వెంట‌నే స్టార్ట్ చేస్తాడా? లేక గ్యాప్ తీసుకుని స్టార్ట్ చేస్తాడా? అని తెలియాలంటే కొంత‌కాలం ఆగాల్సిందే...