హిట్ పెయిర్‌ మ‌రోసారి...
- IndiaGlitz, [Saturday,March 09 2019]
తెలుగు, త‌మిళ ప్రేక్ష‌కుల్లో క్రేజీ హీరోగా ఇమేజ్‌ను సొంతం చేసుకున్న విజ‌య్ దేవ‌ర‌కొండ ప్ర‌స్తుతం త‌న మార్కెట్‌ను విస్త‌రించుకునే ప‌నిలోఉన్నాడు. అందులో భాగంగా 'డియ‌ర్ కామ్రేడ్' సినిమా టీజ‌ర్‌ను నాలుగు భాష‌ల్లో విడుద‌ల చేస్తున్నాడు. అంటే సినిమా కూడా నాలుగు భాష‌ల్లో విడుద‌ల‌వుతుందేమో చూడాలి. దీని త‌ర్వాత క్రాంతి మాధ‌వ్ ద‌ర్శ‌క‌త్వంలో సినిమా చేయ‌బోతున్నాడు. ఇది పూర్తి కాక ముందే మైత్రీ మూవీ మేకర్స్ బ్యాన‌ర్‌లో తెలుగు, త‌మిళ భాష‌ల్లో ఓ సినిమాను చేయ‌బోతున్నాడు.
ఇందులో విజ‌య్ బైక్ రేస‌ర్‌గా క‌న‌ప‌డ‌నున్నాడు. డెబ్యూ డైరెక్ట‌ర్ ఆనంద్ అన్నామ‌లై ద‌ర్శ‌క‌త్వంలో తెర‌కెక్క‌బోయే ఈ సినిమాలో విజ‌య్ దేవ‌ర‌కొండతో ఇద్ద‌రు హీరోయిన్స్ న‌టిస్తున్నారు. ఒక‌రేమో మ‌ల‌యాళ హీరోయిన్ మాళ‌వికా మోహ‌న‌న్ కాగా.. మ‌రొక‌రు అర్జున్ రెడ్డిలో విజ‌య్‌దేవ‌ర‌కొండ‌తో న‌టించిన షాలిని పాండే. విజ‌య్, షాలిని పాండే జోడికి హ్యూజ్ క్రేజ్ ఉంది. దీంతో ద‌ర్శ‌క నిర్మాత‌లు ఆమెను ఈ సినిమాలో న‌టింప‌చేస్తున్నార‌ని టాక్‌.