హిట్ కాంబినేష‌న్ రిపీట్
- IndiaGlitz, [Thursday,November 15 2018]
రాజా రాణి వంటి క్యూట్ ఎమోష‌న‌ల్ ల‌వ్‌స్టోరీతో సక్సెస్ అందుకున్నాడు ద‌ర్శ‌కుడు అట్లీ. ఆ త‌ర్వాత విజ‌య్‌తో తెరి వంటి క‌మ‌ర్షియ‌ల్ సినిమాను తెర‌కెక్కించి హిట్‌ను సొంతం చేసుకున్నాడు. గ‌త ఏడాది మెర్సల్(తెలుగులో అదిరింది) వంటి చిత్రాన్ని తెర‌కెక్కించి హ్యాట్రిక్ హిట్‌ను త‌న ఖాతాలో వేసుకున్నాడు. తాజాగా మ‌రోసారి విజయ్, అట్లీ ద‌ర్శ‌క‌త్వంలో సినిమా రూపొంద‌నుంది.
ఈ సినిమా లాంఛ‌నంగా ప్రారంభ‌మైంది. ఎ.జి.ఎస్ ఎంట‌ర్‌టైన్మెంట్ బ్యాన‌ర్‌పై క‌ల్పాతి ఎస్.అఘోర‌మ్ ఈ సినిమాను నిర్మిస్తున్నారు. ఈ చిత్రానికి ఎ.ఆర్.రెహ‌మాన్ సంగీతం అందించ‌నున్నార‌ట. మెర్సల్ వంటి హిట్ త‌ర్వాత అదే హిట్ కాంబినేష‌న్‌లో సినిమా రానుండ‌టం విజయ్ అభిమానుల‌కు ఆనందాన్నిక‌లిగిస్తుంది. ఈ చిత్రాన్ని వ‌చ్చే ఏడాది దీపావ‌ళికి విడుదల చేయ‌బోతున్న‌ట్లు ఇప్పుడే ప్ర‌క‌టించేసింది చిత్ర యూనిట్‌.