నెక్ట్స్ కూడా రీమేకేనట..
- IndiaGlitz, [Saturday,December 30 2017]
యంగ్ హీరో నిఖిల్ చాలా వేగంగా సినిమాలు చేసుకుంటూ వెళ్లిపోతున్నాడు. ప్ర‌స్తుతం శ‌ర‌ణ్ కోపిశెట్టి దర్శకత్వంలో క‌న్న‌డ సినిమా రీమేక్ 'కిర్రాక్ పార్టీ'లో న‌టిస్తున్నాడు. ఈ సినిమా జ‌న‌వ‌రి కంతా దాదాపు పూర‌య్యే అవ‌కాశాలున్నాయి. దాంతో నిఖిల్ త‌న త‌దుప‌రి సినిమాను సైట్స్‌పైకి తీసుకెళ్లే యోచ‌న‌లో ఉన్నాడు. నిఖిల్ చేయ‌బోయే త‌దుప‌రి సినిమా కూడా రీమేకే కావ‌డం గ‌మ‌నార్హం.
ఈసారి త‌మిళ సినిమా రీమేక్‌లో నిఖిల్ నటించ‌బోతున్నాడు. త‌మిళంలో విజ‌య‌వంత‌మైన క‌ణిద‌న్ సినిమాను తెలుగులో రీమేక్ చేస్తార‌ట. ఇది జ‌న‌వ‌రి 19న ప్రారంభ‌మ‌య్యే అవ‌కాశాలున్నాయ‌నేది స‌మాచారం. దీనికి సంబంధించిన ప్రీ ప్రొడ‌క్షన్ ప‌నులు శ‌ర‌వేగంగా జ‌రుగుతున్నాయ‌ట.