தமிழ் திரையுலகின் பிரபல இளம் இசையமைப்பாளர் ஹிப் ஹாப் தமிழா ஆதிக்கு இன்று திருப்பதியில் திருமண நிச்சயதார்த்த விழா நடைபெற்றதாகவும் மணப்பெண் பெயர் லட்சியா என்றும் செய்திகள் வெளிவந்துள்ளது. இதுகுறித்த அதிகாரபூர்வ அறிவிப்பு ஆதியிடம் இருந்து விரைவில் வெளிவரும் என்று கூறப்படுகிறது.

ஹிப் ஹாப் தமிழா என்ற தனிப்பாடலின் மூலம் இளைஞர்களின் மனதை தனது வித்தியாசமான இசையால் கொள்ளை கொண்ட ஆதி, விஷால் நடித்த 'ஆம்பள' படத்தின் மூலம் திரையுலகில் அறிமுகமானார். அதன்பின்னர் தனிஒருவன், அரண்மனை 2, கத்திச்சண்டை, கவண் உள்ளிட்ட பல படங்களுக்கு இசையமைத்தார். தற்போது அவர் நயன்தாராவின் 'இமைக்கா நொடிகள், சுந்தர் சியின் 'கலகலப்பு 2' ஆகிய படங்களுக்கு இசையமைத்து வருகிறார். 

மேலும் ஆதி, மீசையை முறுக்கு' என்ற படத்தில் நடித்து இயக்கினார் என்பதும் குறிப்பிடத்தக்கது. இந்த நிலையில் இல்வாழ்வில் அடியெடுத்து வைக்கும் ஆதிக்கு நமது அட்வான்ஸ் வாழ்த்துக்கள்