சிவகார்த்திகேயனின் அடுத்த பட இசையமைப்பாளர் அறிவிப்பு
- IndiaGlitz, [Monday,August 06 2018]
சிவகார்த்திகேயன் நடிப்பில் எம்.ராஜேஷ் இயக்கவுள்ள படத்தின் முக்கிய அப்டேட் இன்று மாலை 5 மணிக்கு வெளியாகவுள்ளதாக வெளிவந்த செய்தியை சற்றுமுன் பார்த்தோம். இந்த அப்டேட்டில் இந்த படத்தின் இசையமைப்பாளர் குறித்த அறிவிப்பு வெளிவர வாய்ப்பு இருப்பதையும் தெரிவித்திருந்தோம்
இந்த நிலையில் சற்றுமுன் வெளியான இந்த படத்தின் அப்டேட்டில் இந்த படத்தின் இசையமைப்பாளர் ஹிப்ஹாப் தமிழா ஆதி என்பது அறிவிக்கப்பட்டுள்ளது. சிவகார்த்திகேயன் படத்திற்கு முதல்முறையாக ஹிப் ஹாப் தமிழா ஆதி இசையமைக்கவுள்ளார் என்பது குறிப்பிடத்தக்கது.
சிவகார்த்திகேயன், நயன்தாரா, சதீஷ், சூரி, உள்ளிட்ட பலர் நடிக்கவுள்ள இந்த படத்தை ஸ்டுடியோக்ரீன் ஞானவேல்ராஜா தயாரிக்கவுள்ளார். நகைச்சுவை மற்றும் ரொமான்ஸ் கலந்த இந்த படத்தில் தற்போது இசையமைப்பாளர் ஆதி இணைந்துள்ளதால் பெரும் எதிர்பார்ப்பை ஏற்படுத்தியுள்ளது.