ஹீரோவாகிறார் இன்னொரு இசையமைப்பாளர்?
- IndiaGlitz, [Friday,April 08 2016]
கோலிவுட் திரையுலகில் விஜய் ஆண்டனி, ஜி.வி.பிரகாஷ் போன்ற இசையமைப்பாளர்கள் ஹீரோவாக மாறி வெற்றி பெற்று வரும் நிலையில் இன்னொரு இசையமைப்பாளரான ஹிப் ஹாப் தமிழா ஆதி விரைவில் ஹீரோவாக மாறவுள்ளதாக கூறப்படுகிறது.
சுந்தர் சி இயக்கிய 'ஆம்பள' படத்தின் மூலம் இசையமைப்பாளராக அறிமுகமான ஆதி, அதன் பின்னர் 'இன்று நேற்று நாளை', 'தனி ஒருவன்', 'அரண்மனை 2' ஆகிய படங்களுக்கு இசையமைத்துள்ளார். மேலும் ஒருசில படங்களுக்கு ஆதி இசையமைத்து வரும் நிலையில் சுந்தர் சி தயாரிக்கும் ஒரு படத்தில், ஆதி ஹீரோவாக நடிக்கவுள்ளதாகவும் இதுகுறித்த அறிவிப்பு விரைவில் வரும் என்றும் கூறப்படுகிறது.
மேலும் ஹிப் ஹாப் தமிழா ஆதி, தனது சமூக வலைத்தளத்தில் 'விரைவில் ஒரு முக்கிய செய்தி வெளிவரவுள்ளது' என்று மறைமுகமாக தான் ஹீரோ ஆகப்போவதை தெரிவித்துள்ளதாக கூறப்படுகிறது.