கோலிவுட் திரையுலகில் இசையமைப்பாளர்கள், நடிகர்களாக ஜொலிப்பதில் ஆச்சரியமில்லை. ஏற்கனவே விஜய் ஆண்டனி, ஜி.வி.பிரகாஷ் ஆகியோர் முன்னணி நடிகர்களாக இருக்கும் நிலையில் தற்போது இந்த பட்டியலில் ஹிப் ஹாப் தமிழா ஆதியும் இடம் பெற்றுள்ளார்.

ஆதியின் முதல் படமான 'முறுக்கு மீசை' கடந்த 21ஆம் தேதி வெளியாகி எதிர்பார்ப்பை விட அதிக வரவேற்பை பெற்றுள்ளது. முதல் வாரமே இந்த படத்தின் வசூல் திருப்திகரமாக இருந்த நிலையில் கடந்த வாரம் இந்த படம் சென்னையில் 18 திரையரங்குகளில் 177 காட்சிகள் திரையிடப்பட்டு ரூ.48,25,215 வசூல் செய்துள்ளது. மேலும் இரண்டாவது வாரத்திலும் திரையரங்குகளில் 90% பார்வையாளர்கள் இருந்தது ஆச்சரியப்படும் வகையில் உள்ளது.

மேலும் இந்த படம் சென்னையில் கடந்த 21 முதல் 30 வரை ரூ.1,48,82,184 வசூல் செய்துள்ளது. பாகுபலி 2 படத்திற்கு பின்னர் இந்த ஆண்டில் மெகா ஹிட் ஆன படமாக 'மீசையை முறுக்கு' காணப்படுகிறது. இந்த படத்தின் சூப்பர் வசூலால் ஹிப் ஹாப் ஆதி தாராளமாக தனது மீசையை முறுக்கி கொள்ளலாம்.