கொரோனாவால் இந்து முன்னணி அமைப்பின் நிறுவனத் தலைவர் ராம.கோபாலன் மறைவு!!!
- IndiaGlitz, [Wednesday,September 30 2020]
கடுமையான மூச்சுத் திணறல் காரணமாக சில தினங்களுக்கு முன்பு சென்னை போரூரில் உள்ள தனியார் மருத்துவமனையில் இந்து முன்னணி அமைப்பின் நிறுவனத் தலைவர் ராம. கோபாலன் அனுமதிக்கப் பட்டதாகத் தகவல் வெளியானது. அதையடுத்து அவருக்கு மேற்கொள்ளப்பட்ட கொரோனா சிகிச்சையில் கொரோனா பாதிப்பு இருப்பதாகவும் உறுதிச் செய்யப்பட்டது.
இந்நிலையில் கொரோனாவின் தீவிரத்தால் சிகிச்சை பெற்று வந்த அவர் சிகிச்சை பலனின்றி உயிரிழந்து விட்டதாகப் பரபரப்பு தகவல் வெளியாகி இருக்கிறது. அவருக்கு வயது 94 என்பதும் குறிப்பிடத்தக்கது. இவர் கடந்த 1980 ஆம் ஆண்டு இந்து முன்னணி இயக்கத்தை நிறுவினார் என்பதும் குறிப்பிடத்தக்கது. இந்நிலையில் அவரது மறைவுக்கு பலரும் இரங்கல் தெரிவித்து வருகின்றனர்.